പ്രൊഫ. ജി. സുധീഷ് നിര്യാതനായി

തിരുവനന്തപുരം: എൻ.എസ്.എസ് കോളേജുകളിൽ ദീർഘകാലം കൊമേഴ്സ് അദ്ധ്യാപകനും പ്രിൻസിപ്പലുമായിരുന്ന കൈതമുക്ക് ശ്രീരാഗത്തിൽ (കെ.എസ്.ആർ.എ 80)​ പ്രൊഫ. ജി.സുധീഷ് (62)​ നിര്യാതനായി. സംസ്കാരം ഇന്നു രാവിലെ 10.30ന് ശാന്തികവാടത്തിൽ നടക്കും. കരമന എൻ.എസ്.എസ് കോളേജിലും ധനുവച്ചപുരം വി.ടി.എം എൻ.എസ്.എസ് കോളേജിലുമാണ് അദ്ദേഹം പ്രിൻസിപ്പലായി സേവനം അനുഷ്ഠിച്ചിരുന്നത്. പരേതനായ കളത്തിൽ ഗോപാലകൃഷ്ണൻ നായരുടേയും രാധാദേവിയുടേയും മകനാണ്. ഭാര്യ: താര,​ മകൻ എസ്. ശരത് (യു.എസ്.എ)​. സഹോദരങ്ങൾ: ഡോ.ജി.സുരേഷ് (പരിയാരം മെഡിക്കൽ കോളേജ്)​,​ ജി.സുഭാഷ് (മുൻ ന്യൂസ് എഡിറ്റർ,​ കേരളകൗമുദി)​,​ ജി.സുദേവ് (റിട്ട.എൻജിനിയർ,​ വാട്ടർ അതോറിട്ടി).​