കളിത്തോക്ക് കൊണ്ടൊരു സാമൂഹിക അകലം, വൈറൽ ചിത്രം

മിഷിഗൺ: മഹാമാരിയെ ചെറുക്കാൻ സാമൂഹികഅകലം പാലിച്ചുള്ള ഒരു ജീവിതക്രമം ശീലിക്കുകയാണ് ലോകജനത. അതിനിടെയാണ് കളിത്തോക്ക് ഉപയോഗിച്ച് വിശ്വാസികൾക്കിടയിൽ പുണ്യതീർത്ഥം തളിച്ച് സാമൂഹിക അകലം പാലിക്കാൻ മാതൃക കാട്ടിയ ഒരു ക്രിസ്ത്യൻ പുരോഹിതന്റെ ചിത്രം സാമൂഹ്യമാദ്ധ്യമങ്ങളിൽ വൈറലാകുന്നത്. ഫാദർ ടിം പെൽകാണ്​ ഈ പുരോഹിതൻ.

മിഷിഗണിലെ ഒരു ദേവാലയത്തിൽ ഇക്കഴിഞ്ഞ ഏപ്രിലിലാണ് സംഭവം നടക്കുന്നത്. ഇതിന്റെ ചിത്രം അന്ന് ഫേസ്ബുക്കിൽ പങ്കുവച്ചിരുന്നെങ്കിലും വേണ്ടപോലെ ശ്രദ്ധിക്കപ്പെട്ടില്ല. എന്നാൽ ചിത്രം രണ്ടുദിവസം മുമ്പ്​ ട്വിറ്ററിൽ റീപോസ്​റ്റ്​ ചെയ്​തതോടെ വൈറലായി​. രണ്ട്​ ദിവസത്തിനകം ചിത്രത്തിന്​ 5.6 ലക്ഷം ലൈക്ക്​ ലഭിച്ചപ്പോൾ ലക്ഷം ആളുകൾ റീട്വീറ്റ്​ ചെയ്​തു. ചിത്രം ശ്രദ്ധിക്കപ്പെട്ടതോടെ ട്വിറ്റർ ഉപയോക്​താക്കൾ അത്​ മീമാക്കി മാറ്റുകയും ചെയ്​തു.

ഡോക്​ടർമാരോട്​ കൂടിയാലോചിച്ച ശേഷം കഴിഞ്ഞ ഈസ്​റ്റർ സമയത്താണ്​ ഈ ഉപായം ​പ്രാവർത്തികമാക്കാൻ തുടങ്ങിയതെന്ന്​ 70കാരനായ ഫാദർ പെൽക്​ പ്രാദേശിക മാദ്ധ്യമത്തോട്​ പറഞ്ഞു. ‘പാരിഷിലെ കുട്ടികൾക്ക്​ വേണ്ട കാര്യങ്ങൾ ചെയ്യാനായിരുന്നു ആദ്യം കരുതിയത്​. മു​മ്പെങ്ങുമില്ലാത്ത ഒരു ഇസ്​റ്ററായിരു​ന്നല്ലോ ഈ വർഷം. സാമൂഹിക അകലം പാലിച്ചുകൊണ്ട്​ എന്ത്​ ചെയ്യാമെന്ന ചിന്തയിൽ നിന്നാണ്​ ഈ ബുദ്ധി ​തോന്നിയതെന്ന്​ അദ്ദേഹം കൂട്ടിച്ചേർത്തു.