പാലോട്: ശുദ്ധമായ കുടിവെള്ളം ജനങ്ങളിലെത്തിക്കണം എന്ന ലക്ഷ്യത്തോടെ നടപ്പിലാക്കിയ നന്ദിയോട്, ആനാട് കുടിവെള്ള പദ്ധതി പദ്ധതിക്ക് പുതുജീവൻ. പതിനൊന്ന് വർഷമായിട്ടും പൂർത്തിയാകാത്ത പദ്ധതിയെക്കുറിച്ച് കേരളകൗമുദി നൽകിയ വാർത്തയെ തുടർന്നാണ് നടപടി. 16 കോടി രൂപ കൂടി സർക്കാർ അനുവദിച്ച് ടെൻഡർ നടപടികൾ പൂർത്തിയായി. ഈ മാസം 30ന് ടെൻഡർ ഓപ്പൺ ചെയ്യുന്നതോടെ വീണ്ടും നിർമ്മാണ പ്രവർത്തനങ്ങൾ ആരംഭിക്കും. മൂന്നു ഘട്ടങ്ങളിലായാണ് ഇനിയുള്ള നിർമ്മാണം. ഒന്നാം ഘട്ടത്തിൽ നന്ദിയോട് ഗ്രാമപഞ്ചായത്തിലെ ആനക്കുഴിയിൽ പഞ്ചായത്ത് 7 ലക്ഷം രൂപ ചെലവിൽ വാങ്ങിയ 15 സെന്റ് സ്ഥലത്ത് പത്ത് ലക്ഷം ലിറ്റർ സംഭരണ ശേഷിയുള്ള ടാങ്ക് നിർമ്മിക്കും. കൂടാതെ 630 കെ.വി, 250 കെ.വി കപ്പാസിറ്റിയുള്ള രണ്ട് ട്രാൻസ്ഫോർമറുകളും ഇതോടൊപ്പം സ്ഥാപിക്കുന്നുണ്ട്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |