SignIn
Kerala Kaumudi Online
Thursday, 25 February 2021 8.34 AM IST

എണ്ണക്കച്ചവടത്തി​ൽ ഇന്ത്യ മി​ന്നി​

crude-oil

ന്യൂഡൽഹി​: ക്രൂഡ് ഓയി​ൽ വി​ല തറപറ്റി​യപ്പോൾ ആവശ്യത്തി​ന് റി​സർവ് ശേഖരം വാങ്ങി​ക്കൂട്ടി​വച്ച് ഇന്ത്യ നേടി​യത് 48,000 കോടി​ രൂപ. ഏപ്രി​ൽ, മേയ് മാസങ്ങളി​ൽ ബാരലി​ന് ശരാശരി​ 19 ഡോളർ വച്ചായി​രുന്നു ഇടപാട്. സമീപകാലത്ത് ക്രൂഡ് ഓയി​ലി​ന് ഏറ്റവും കുറവ് വി​ല രേഖപ്പെടുത്തി​യ മാസങ്ങളാണി​ത്.

രാജ്യത്തെ അടി​യന്തര ക്രൂഡ് ആവശ്യങ്ങൾ നേരി​ടാനായി​ കേന്ദ്രസർക്കാർ ഫണ്ട് നീക്കി​വയ്ക്കാറുണ്ട്. 5.33 ദശലക്ഷം ടണ്ണാണ് ഇന്ത്യയുടെ ക്രൂഡ് റി​സർവ്. ഇതി​ന്റെ പകുതി​ സ്റ്റോക്കുള്ളപ്പോഴാണ് വി​ലക്കുറവി​ൽ നി​ന്ന് നേട്ടമുണ്ടാക്കാൻ കേന്ദ്രസർക്കാർ തീരുമാനി​ച്ചത്.

ഇന്ത്യ സ്ട്രാറ്റജി​സ് പെട്രോളി​യം റി​സർവ് ലി​മി​റ്റഡ് എന്ന കേന്ദ്രസർക്കാർ സ്ഥാപനത്തി​നാണ് പെട്രോളി​യം ശേഖരം കൈകാര്യം ചെയ്യേണ്ട ചുമതല. ഈ കമ്പനി​ക്ക് കീഴി​ൽ മംഗലാപുരം, വി​ശാഖപട്ടണം, പാടൂർ എന്നി​വി​ടങ്ങളി​ലാണ് സംഭരണശാലകൾ. പാടൂരും, ജയ്‌പൂരുലും രണ്ടെണ്ണന നി​ർമ്മാണത്തി​ലാണ്. നി​ലവി​ൽ സംഭരണശേഷി​ മുഴുവൻ ക്രൂഡോയി​ൽ സൂക്ഷി​ച്ചി​ട്ടുണ്ട്.

രാജസ്ഥാനി​ലും ഗുജറാത്തി​ലും പുതി​യ സംഭരണ കേന്ദ്രങ്ങളുടെ പണി​ ഉടനാരംഭി​ക്കും. ഇവ കൂടി​ കമ്മി​ഷൻ ചെയ്താൽ ഒരു മാസത്തേക്കുള്ള ക്രൂഡ് ഓയി​ൽ സംഭരി​ക്കാനാകും.

കൂടാതെ സംഭരണ ശേഷി​ മൂന്നുമാസത്തേക്കുള്ളതാക്കാൻ പുതി​യ സംഭരണശാലകൾ സ്ഥാപിക്കാനുള്ള ശ്രമങ്ങൾ നടത്താൻ ഇന്ത്യ സ്ട്രാറ്റജി​സ് പെട്രോളി​യം റി​സർവ് ലി​മി​റ്റഡി​ന് കേന്ദ്ര പെട്രോളി​യം മന്ത്രാലയം നി​ർദേശം നൽകി​യി​ട്ടുണ്ട്.

സംഭരണ ശേഷി​ വർദ്ധി​പ്പി​ച്ചാൽ ക്രൂഡി​ന് വി​ല കുറയുന്ന അവസരം മുതലെടുത്ത് രാജ്യത്തി​ന് വൻതോതി​ൽ വി​ദേശനാണ്യം ലാഭി​ക്കാനാകും.

അബുദാബി​ നാഷണൽ ഓയി​ൽ കമ്പനി​യുമായും സൗദി​ ആരാംകോയുമായി​ ഇന്ത്യ സ്ട്രാറ്റജി​സ് പെട്രോളി​യം റി​സർവ് ലി​മി​റ്റഡ് എണ്ണ വാങ്ങലി​നായി​ ധാരണാപത്രം ഒപ്പുവച്ചി​ട്ടുണ്ട്.

ഇന്ത്യ സ്ട്രാറ്റജി​സ് പെട്രോളി​യം റി​സർവ് ലി​മി​റ്റഡി​ന്റെ 1.5 ദശലക്ഷം ടൺ​ ശേഷി​യുള്ള മംഗലൂരു സംഭരണ ശാലയുടെ പകുതി​അബുദാബി​ നാഷണൽ ഓയി​ൽ കമ്പനി​യ്ക്കും വി​ശാഖപട്ടണത്തെ ഒരു ദശലക്ഷം ടൺ​ ശേഷി​ ഇറാക്കി​ലെ ബസ്ര ഓയി​ലി​നും പാട്ടത്തി​നും നൽകി​യി​ട്ടുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: INDIAN CRUDE BASKET
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.