SignIn
Kerala Kaumudi Online
Sunday, 28 February 2021 10.27 PM IST

നാടിളക്കി രാഹുലിന്റെ ട്രാക്ടർ റാലി

rahul

കൽപ്പറ്റ: രാജ്യതലസ്ഥാനത്ത് കർഷകർ തുടരുന്ന ഐതിഹാസിക സമരത്തിന് ഐക്യദാർഢ്യവുമായി രാഹുൽ ഗാന്ധി എം.പി യുടെ നേതൃത്വത്തിൽ വൻ ട്രാക്ടർ റാലി. മാണ്ടാട് നിന്ന് ആരംഭിച്ച റാലി മൂന്നു കിലോമീറ്റർ താണ്ടി മുട്ടിലിലാണ് സമാപിച്ചത്.

ഉറവ് പൈതൃക ഗ്രാമത്തിലൂടെ രാഹുൽ ഓടിച്ച ട്രാക്ടറിൽ എ.ഐ.സി.സി ജനറൽ സെക്രട്ടറി കെ.സി.വേണുഗോപാൽ എം.പി, ഡി.സി.സി പ്രസിഡന്റ് ഐ.സി. ബാലകൃഷ്ണൻ എം.എൽ.എ, മുൻ എം.എൽ.എ എൻ.ഡി. അപ്പച്ചൻ എന്നിവരുമുണ്ടായിരുന്നു. 51 ട്രാക്ടറുകൾ അകമ്പടിയായുണ്ടായിരുന്നു.

മുട്ടിൽ ഗ്രാമപഞ്ചായത്ത് ഒാപ്പൺ സ്റ്റേഡിയത്തിൽ സംഘടിപ്പിച്ച സമാപനയോഗത്തിൽ രാഹുൽ ഗാന്ധി പ്രസംഗിച്ചു. രാജ്യത്തെ ജനങ്ങളെ ഊട്ടുന്നവരെയാണ് കരിനിയമത്തിലൂടെ മോദി സർക്കാർ ഇല്ലാതാക്കാൻ ശ്രമിക്കുന്നതെന്ന് അദ്ദേഹം ആക്ഷേപിച്ചു.കർഷകരുടെ പോരാട്ടത്തിന് കോൺഗ്രസിന്റെ എല്ലാ പിന്തുണയുമുണ്ടാവുമെന്നും അദ്ദേഹം പറഞ്ഞു.

യു.ഡി.എഫ് ജില്ലാ ചെയർമാൻ പി പി എ കരീം അദ്ധ്യക്ഷനായിരുന്നു. ഐ.സി ബാലകൃഷ്ണൻ എം.എൽ.എ, എൻ.ഡി അപ്പച്ചൻ, ടി സിദ്ദിഖ്, കെ.സി റോസക്കുട്ടി ടീച്ചർ, പി.കെ ജയലക്ഷ്മി, കെ.കെ അഹമ്മദ്ഹാജി, കെ.കെ അബ്രഹാം എന്നിവരും പ്രസംഗിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: RAHUL
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.