SignIn
Kerala Kaumudi Online
Tuesday, 18 May 2021 11.26 PM IST

കെ.പി.സി.സിയിൽ കൊവിഡ് കൺട്രോൾ റൂം തുറന്നു

mulla

തിരുവനന്തപുരം: കൊവിഡിന്റെ രണ്ടാം തരംഗം രൂക്ഷമായ സാഹചര്യത്തിൽ എ.ഐ.സി.സി നിർദ്ദേശ പ്രകാരം കെ.പി.സി.സിയിൽ കൊവിഡ് കൺട്രോൾ റൂം തുറന്നു. ഡോ. എസ്.എസ്. ലാലിന്റെ നേതൃത്വത്തിൽ ഡോക്ടർമാരുടെ സേവനം ഇവിടെ ലഭിക്കും. കെ.പി.സി.സി വൈസ് പ്രസിഡന്റ് ഡോ. ശൂരനാട് രാജശേഖരനാണ് കൺട്രോൾ റൂമിന്റെ ഏകോപന ചുമതല. സെക്രട്ടറി ജോൺ വിനേഷ്യസിനെ കൺട്രോൾ റൂമിന്റെ സഹായത്തിനും ചുമതലപ്പെടുത്തി. കൊവിഡ് വ്യാപനം തടയുന്നതിൽ കേന്ദ്ര - സംസ്ഥാന സർക്കാരുകൾ പരാജയപ്പെട്ടെന്നും തിരഞ്ഞെടുപ്പിന് ശേഷം സർക്കാരിന്റെയും ആരോഗ്യവകുപ്പിന്റെയും ഭാഗത്ത് നിന്നുണ്ടായ താത്പര്യക്കുറവും ഏകോപനമില്ലായ്മയും ശ്രദ്ധയിൽപ്പെട്ടതിനാലാണ് കൺട്രോൾറൂം തുറക്കുന്നതെന്ന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രൻ പറഞ്ഞു.

കൊവിഡുമായി ബന്ധപ്പെട്ട് പൊതുജനങ്ങൾക്കുള്ള സംശയങ്ങൾക്ക് മറുപടി നൽകുന്നതു മുതൽ ചികിത്സാസൗകര്യങ്ങൾ ഏർപ്പെടുത്തുന്നതുവരെയുള്ള കാര്യങ്ങളിൽ കൺട്രോൾറൂം സഹായങ്ങൾ നൽകും. നവസമൂഹമാദ്ധ്യമങ്ങൾ ഇതിനായി ഉപയോഗിക്കും. മഹിളാ കോൺഗ്രസ്, യൂത്ത് കോൺഗ്രസ്, കെ.എസ്.യു, സേവാദൾ, പ്രൊഫഷണൽ കോൺഗ്രസ്, പെൻഷണേഴ്സ് അസോസിയേഷൻ തുടങ്ങിയ പദ്ധതിയുടെ ഭാഗമാകും. ഡി.സി.സി ഓഫീസുകളിൽ കൺട്രോൾ റൂം തുറക്കാൻ പ്രസിഡന്റുമാർക്ക് നിർദ്ദേശം നൽകിയെന്നും മുല്ലപ്പള്ളി പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CONTROL ROOM
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.