ടോക്കിയോ: ലിബറൽ ഡെമോക്രാറ്റിക്​ പാർട്ടി (എൽ.ഡി.പി) നേതാവും മുൻ വിദേശകാര്യ മന്ത്രിയുമായ​ ഫു​മിയോ കിഷിദയെ ജപ്പാന്റെ 100-ാം പ്രധാനമന്ത്രിയായി അംഗീകരിച്ചു.

ഇന്നലെ നടന്ന വോ​ട്ടെടുപ്പിൽ കിഷിദയെ പാർലമെന്റിന്റെ ഇരുസഭകളും ഔദ്യോഗികമായി​ തെരഞ്ഞെടുത്തു. പുതുമുഖങ്ങളെ ഉൾപ്പെടുത്തിപുതിയ മന്ത്രിസഭ ഉടൻ പ്രഖ്യാപിച്ചേക്കും.

പാർലമെന്റിന്റെ അധോസഭയിൽ നടന്ന തിരഞ്ഞെടുപ്പിൽ എൽ.ഡി.പിയടങ്ങുന്ന ഭരണമുന്നണി 311 വോട്ടുകൾ നേടി. പ്രതിപക്ഷ നേതാവ്​ യൂകിയോ എഡാനോ​ 124 വോട്ട്​ നേടി​.

ഉപരിസഭയും വോട്ടുചെയ്യുമെങ്കിലും അധോസഭയുടെ തീരുമാനമാണ്​ പ്രധാനം. തൊട്ടുപിന്നാലെ നടന്ന വോട്ടെടുപ്പിൽ ഉപരിസഭയും കിഷിദയെ അംഗീകരിച്ചു.