'ലൂത്ര'മാർക്ക് ജയിലിൽ ആഡംബരമില്ല

പനാജി: ആഡംബരത്തിന്റെ പര്യായമായ ജീവിതത്തിൽ നിന്ന് ലോക്കപ്പിന്റെ തറയിൽ. ഗോവയിൽ 25 പേർ മരിക്കാനിടയായ തീപിടിത്തമുണ്ടായ നിശാക്ലബ്ബിന്റെ ഉടമകളായ സൗരഭ് ലൂത്ര, ഗൗരവ് ലൂത്ര എന്നിവർ ആദ്യ ദിവസം ജയിലിൽ കിടന്നത് ഫാൻ പോലും ഇല്ലാതെ,​ അതും തറയിൽ. മറ്റു പ്രതികൾക്കു നൽകുന്ന ചോറ്, പരിപ്പ്, അച്ചാർ എന്നിവയാണ് കഴിച്ചത്. മെത്ത ഉൾപ്പെടെയുള്ള സാധനങ്ങൾ വേണമെന്ന് ഇവർ കോടതിയിൽ ആവശ്യപ്പെട്ടിരുന്നു. എന്നാൽ അനുവദിച്ചില്ല. തിങ്കളാഴ്ച വരെ പൊലീസ് കസ്റ്റഡിയിൽ തുടരും. ചോദ്യം ചെയ്യൽ ആരംഭിച്ചു.