SignIn
Kerala Kaumudi Online
Saturday, 28 May 2022 10.08 AM IST

തൊഴിലുറപ്പുകാർക്ക് 60 തികഞ്ഞാൽ പെൻഷൻ

thozhilurappu

തിരുവനന്തപുരം: തൊഴിലുറപ്പ് തൊഴിലാളികൾക്ക് പെൻഷനും മറ്റ് ആനുകൂല്യങ്ങളും നൽകുന്നതിനുള്ള കേരള തൊഴിലുറപ്പ് തൊഴിലാളി ക്ഷേമനിധി ബിൽ നിയമസഭ ഐകകണ്ഠ്യേന അംഗീകരിച്ചു. 40 ലക്ഷം കുടുംബങ്ങളാണ് തൊഴിലുറപ്പ് പദ്ധതികളിൽ രജിസ്റ്റർ ചെയ്തിട്ടുള്ളത്. തൊഴിലുറപ്പ് തൊഴിലാളി ക്ഷേമനിധിയിൽ 60 വയസ് വരെ അംശാദായം അടച്ചവർക്കാണ് പെൻഷൻ. തുക തീമുമാനിച്ചിട്ടില്ല. തദ്ദേശ സ്വയംഭരണ മന്ത്രി എം.വി. ഗോവിന്ദനാണ് ബിൽ അവതരിപ്പിച്ചത്.

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് ആക്ടിലെ വ്യവസ്ഥ പ്രകാരം ഗ്രാമപഞ്ചായത്തുകളിൽ രജിസ്റ്റർ ചെയ്ത് തൊഴിലുറപ്പ് കാർഡ് ലഭിച്ചിട്ടുള്ളവർ, അയ്യങ്കാളി നഗര തൊഴിലുറപ്പ് പദ്ധതി പ്രകാരം മുനിസിപ്പാലിറ്റിയിലോ, കോർപറേഷനിലോ രജിസ്റ്റർ ചെയ്ത് തൊഴിലുറപ്പ് കാർഡ് ലഭിച്ചിട്ടുള്ളവർ എന്നിവർക്ക് അംഗത്വം നേടാം. 18 വയസ് പൂർത്തിയാക്കിയവരും 55 വയസ് കഴിയാത്തവരുമായിരിക്കണം.

തൊഴിലാളികൾ പ്രതിമാസം 50 രൂപ അംശാദായമായി അടയ്ക്കണം. അത്രയും തുക സർക്കാർ വിഹിതമായും അടയ്ക്കും. പദ്ധതിയുടെ പ്രവർത്തനത്തിന് പ്രതിവർഷം 15.16 കോടിയാണ് വേണ്ടിവരുന്നത്.

കുടുംബ പെൻഷനും സാമ്പത്തിക സഹായവും
 പത്ത് വർഷത്തിൽ കുറയാതെ അംശാദായം അടച്ച അംഗം മരിച്ചാൽ കുടുംബ പെൻഷൻ

 അംഗഭംഗം മൂലമോ അവശതമൂലമോ തൊഴിൽ ചെയ്യാനാവാതായാൽ അവശതാ പെൻഷൻ

 വനിതാ അംഗങ്ങളുടെ വിവാഹം, പ്രസവം, പെൺമക്കളുടെ വിവാഹം എന്നിവയ്ക്ക് സഹായം

 ഗുരുതര രോഗങ്ങൾ ബാധിച്ച അംഗങ്ങൾക്ക് ചികിത്സാസഹായം

 രോഗം മൂലമോ അപകടം മൂലമോ മരിച്ചാൽ സാമ്പത്തിക സഹായം

 മക്കളുടെ വിദ്യാഭ്യാസത്തിന് സാമ്പത്തിക സഹായം

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: THOZHILURAPPU
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.