SignIn
Kerala Kaumudi Online
Friday, 03 December 2021 10.00 PM IST

പൊതുസ്ഥലങ്ങളിൽ ഇനി മാസ്‌ക് വയ്‌ക്കേണ്ട, സാമൂഹിക അകലവും വേണ്ട; നാളെ മുതൽ കൊവിഡ് ഇളവുകളുമായി സൗദി അറേബ്യ

saudi

റിയാദ്: പൊതു ഇടങ്ങളിലും സിനിമാ തീയേറ്ററുകളിലും പൊതുഗതാഗതത്തിനും മാസ്‌ക് വേണ്ട, സാമൂഹിക അകലം വേണ്ട എന്നിങ്ങനെ കൊവിഡ് നിയന്ത്രണങ്ങളിൽ ഒരു പിടി പുതിയ ഇളവുകൾ പ്രഖ്യാപിച്ച് സൗദി അറേബ്യ. പുതിയ ഇളവുകൾ ഞായറാഴ്‌ച മുതൽ നിലവിൽ വരും.

ഹോട്ടലുകൾ ഹാളുകൾ എന്നിവിടങ്ങളിൽ മുഴുവൻ സീറ്റുകളിലും ആളുകൾക്ക് ഇരിക്കാം. സാമൂഹിക അകലം വേണ്ട.തുറന്ന ഇടങ്ങളിലാണ് ഈ ഇളവുകളുള‌ളത്. അടച്ചിട്ട ഹാളുകളിൽ സാമൂഹിക അകലവും മാസ്‌കുമുൾപ്പടെ കൊവിഡ് പ്രോട്ടോകോളുകളെല്ലാം പാലിച്ചേ മതിയാകൂ. മതിയായ കാറ്റ് കടക്കാത്തയിടങ്ങളിലെല്ലാം ഇത് ബാധകമാണ്.

നിലവിൽ സൗദി ഭരണകൂടം നിഷ്‌കർഷിച്ച വാക്‌സിൻ രണ്ട് ഡോസും എടുത്തവർക്ക് പൊതുയിടങ്ങളിൽ സഞ്ചരിക്കാനും പൊതുഗതാഗതം ഉപയോഗിക്കാനും എല്ലാം ഇളവുണ്ട്. ഇവർക്കാണ് സാമൂഹിക അകലത്തിലും മാസ്‌ക് ഉപയോഗത്തിനും പുതിയ ഇളവ് ബാധകമാകുക. തവക്കൽന ആപ്പിലെ ആരോഗ്യ പരിശോധനകൾ നടക്കാത്തയിടങ്ങളിൽ എന്നാൽ നിബന്ധനകൾ തുടരും.

മക്കയിലും മദീനയിലും തീർത്ഥാടനത്തിനെത്തുന്ന എല്ലാ വിശ്വാസികൾക്കും ഇനിമുതൽ പ്രവേശനം അനുവദിക്കും. എന്നാൽ തീർത്ഥാടകരും ജോലിക്ക് എത്തുന്നവരും മാസ്‌ക് ധരിക്കണമെന്നത് നിർബന്ധമാണ്. മക്ക, മദീന ആരാധനാലയങ്ങളിൽ പ്രവേശനം പെർമി‌റ്റ് മുൻകൂട്ടി എടുത്തവർക്കും രണ്ട് ഡോസ് വാക്‌സിനെടുത്ത വിവരം തവക്കൽന ആപ്പിലൂടെ കാണിക്കുന്നവ‌ർക്കും മാത്രമാകും.

തവകൽന ആപ്പ് കാണിക്കുന്നവർക്ക് മാത്രമേ സൗദിയിൽ പൊതു, സ്വകാര്യ ഓഫീസുകളിൽ പ്രവേശനമുള‌ളു. അല്ലാത്തവർക്ക് പ്രവേശനം നിയമവിരുദ്ധമാണ്. എന്നാൽ സൗദിയിലേക്ക് ഇന്ത്യയിൽ നിന്നും വരുന്നവർക്ക് പ്രവേശനം അനുവദിക്കുന്ന കാര്യത്തിൽ ഇപ്പോഴും വിവരങ്ങൾ ലഭ്യമല്ല. വിമാനകമ്പനികൾക്ക് ഉടൻ അനുമതി പ്രഖ്യാപിക്കും എന്ന പ്രത്യാശയിൽ തന്നെയാണ് പ്രവാസികളായ ഇന്ത്യക്കാർ.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, GULF, GULF NEWS, SAUDI, COVID, RESTRICTION, EASED
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.