SignIn
Kerala Kaumudi Online
Wednesday, 17 August 2022 10.09 AM IST

അടുത്ത ശമ്പളത്തിയതിയെത്തി: കെ.എസ്.ആർ.ടി.സി ഖജനാവ് കാലി

a

തിരുവനന്തപുരം: തുടർച്ചയായ മൂന്നാം മാസവും കൃത്യസമയത്ത് ശമ്പളം കൊടുക്കാനാകാതെ കെ.എസ്.ആർ.ടി.സി കരാർ പ്രകാരം എല്ലാമാസവും അഞ്ചിനാണ് ശമ്പളം നൽകേണ്ടത്. ഇതുപ്രകാരം നാളെ രാത്രിയെങ്കിലും ശമ്പളം നൽകണം.

ജൂണിലെ ശമ്പളത്തിന് 85 കോടി രൂപയെങ്കിലും വേണം. എന്നാൽ അക്കൗണ്ട് പൂർണ്ണമായും കാലിയാണ്. ഡീസലിന് പണം അടയ്ക്കുന്നത് നിറുത്തിവച്ചാണ് മേയിലെ ശമ്പളം കഷ്ടിച്ച് കൊടുത്തത്. അഞ്ചു തവണയായിട്ടായിരുന്നു ശമ്പള വിതരണം.

പതിവ് സർക്കാർ സഹായമായ 30 കോടി രൂപ ഇത്തവണ കിട്ടിയിട്ടില്ല.
250 കോടിയുടെ അടിയന്തിര ധനസഹായം സർക്കാരിനോട് ആവശ്യപ്പെട്ടിട്ടുണ്ടെന്ന് മന്ത്രി ആന്റണിരാജു അറിയിച്ചിരുന്നു. മുഖ്യമന്ത്രിയുടെ അദ്ധ്യക്ഷതയിൽ ഇതിനായി യോഗം ചേരാൻ തീരുമാനിച്ചെങ്കിലും നടന്നില്ല. കെ.എസ്.ആർ.ടി.സി മാനേജ്‌മെന്റ് പതിവുപോലെ 45 കോടിയുടെ ധനസഹായവും അഭ്യർത്ഥിച്ചിട്ടുണ്ട്.
ജീവനക്കാർ നൽകിയ കേസിൽ ശമ്പളം കൊടുക്കുന്നതിന് മുൻഗണന നൽകാൻ ഹൈക്കോടതി ഉത്തരവിട്ടിരുന്നു. എന്നാൽ സമരത്തിനിടെ അക്രമമുണ്ടായതോടെ കോടതിയും കർശന നിലപാടിലേക്ക് കടന്നു. ശമ്പളത്തിലെ അനിശ്ചിതത്വം

ജീവനക്കാരുടെ ജീവിതം ദുരിതത്തിലാക്കി പലരുടെയും വായ്പാ തിരിച്ചടവ് മുടങ്ങി. ശമ്പളം വൈകി അക്കൗണ്ടിലെത്തുമ്പോൾ പിഴ സഹിതം ബാങ്കുകൾ തുക ഈടാക്കും. .

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KSRTC
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.