ഗോകുൽ സുരേഷ്, ധ്യാൻ ശ്രീനിവാസൻ എന്നിവരെ കേന്ദ്ര കഥാപാത്രങ്ങളാക്കി അരുൺചന്ദു സംവിധാനം ചെയ്ത ചിത്രമാണ് സായാഹ്ന വാർത്തകൾ. അജു വർഗീസിനെ നായകനാക്കി ഒരുക്കിയ 'സാജൻ ബേക്കറി സിൻസ് 1962'ന് ശേഷം അരുൺചന്ദുവിന്റെ സംവിധാനത്തിലൊരുങ്ങുന്ന ചിത്രമാണിത്.
അജുവർഗീസ്, ഇന്ദ്രൻസ്, ശരണ്യ ശർമ്മ എന്നിവരാണ് 'സായാഹ്ന വാർത്തകളി'ലെ മറ്റു താരങ്ങൾ. ഛായാഗ്രഹണം ശരത് ഷാജി. ഡി 14 എന്റർടെയ്ൻമെന്റ്സിന്റെ ബാനറിലാണ് നിർമ്മാണം. സമകാലീന രാഷ്ട്രീയ സാമൂഹിക പശ്ചാത്തലത്തിൽ ഒരുങ്ങുന്ന ചിത്രത്തിന് സച്ചിൻ ആർ. ചന്ദ്രനും സംവിധായകൻ അരുൺചന്ദും ചേർന്നാണ് രചന നിർവഹിച്ചിരിക്കുന്നത്.
'ഒരുപാട് കാത്തിരുന്ന ചിത്രമാണ്. പൊളിറ്റിക്കൽ സറ്റയറാണ്. എനിക്കങ്ങനെ പേടിയൊന്നുമില്ല. അച്ഛന്റെ പാർട്ടി അല്ലെങ്കിൽ അതിനോട് സാമ്യമുള്ള പാർട്ടിയെ വിമർശിക്കുന്ന സിനിമയിൽ ഞാൻ പങ്കെടുത്തു. ഈ ചിത്രം പൊളിറ്റിക്കൽ സറ്റയർ ആണെന്ന് അച്ഛന് അറിയാമായിരുന്നു. അച്ഛൻ അതിലൊന്നും ഇടപെടില്ല. അച്ഛന് ജനങ്ങളോട് ജനുവിൻ അപ്രോച്ചാണ് ഉള്ളത്'- ഗോകുൽ സുരേഷ് പ്രതികരിച്ചു.
മികച്ച പ്രേക്ഷക പ്രതികരണമാണ് ആദ്യ ഷോ കഴിഞ്ഞത് മുതൽ ചിത്രത്തിന് ലഭിക്കുന്നത്. സാമൂഹിക പ്രസക്തിയുള്ള ചിത്രമാണിതെന്നാണ് ആളുകൾ അഭിപ്രായപ്പെടുന്നത്. കൂടുതൽ പ്രതികരണങ്ങൾ കാണാം...
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |