ലോകത്തെ നിയന്ത്രിക്കുന്ന 13 കുടുംബങ്ങളെ കുറിച്ച് കേട്ടിട്ടുണ്ടോ? തമാശ പറയുന്നതല്ല, രാഷ്ട്രീയം, ബിസിനസ്, എന്റർടെയിൻമെന്റ് തുടങ്ങി ലോകത്തിലെ സമസ്ഥ മേഖലയിലും ഈ കുടുംബങ്ങളുടെ രഹസ്യമായ സ്വാധീനമുണ്ട്. യൂറോപ്പ് മുതൽ ചൈന വരെ വ്യാപിച്ചു കിടക്കുന്ന ഈ ഗ്രൂപ്പുകളുടെ അധീനതയിൽ നിന്ന് രക്ഷനേടാൻ ഒരു ഭരണാധികാരിക്കും സാദ്ധ്യമല്ല. അവരെ പറയുന്ന പേരാണ് ഇല്യുമിനാറ്റി. അതെ, ലൂസിഫർ സിനിമയിൽ നാം കേട്ട അതിശക്തരായ ഇല്യുമിനാറ്റി കുടുംബങ്ങൾ.
എഴുത്തുകാരനും ഗവേഷകനുമായ ഫ്രിറ്റ്സ് സ്പ്രിംഗ്മെയർ എന്നയാളാണ് ഇല്യുമിനാറ്റി കുടുംബത്തെ പറ്റി ഏറ്റവുമധികം ആധികാരികമായി പഠനം നടത്തിയിട്ടുള്ളത്. ആ ഗവേഷണത്തിൽ നിന്ന് ഫ്രിറ്റ്സ് കണ്ടെത്തിയത് അതീവ ഗൗരവകരമായ, ഭാവനയെ പോലും തോൽപ്പിക്കുന്ന ഏടുകളായിരുന്നു. ദി ഗ്രേറ്റ് കോൺസ്പിറസി തിയറി എന്നാണ് വായനക്കാർ അതിനെ വിളിച്ചതു പോലും.
അമേരിക്കയും യൂറോപ്പുമടങ്ങുന്ന ശക്തികളാണ് എന്നും ലോകത്തെ ഭരിച്ചിരുന്നത്. കരുത്തുകൊണ്ടും സമ്പന്നത കൊണ്ടും ശക്തരായ ഈ ദ്വന്ദം നൂറ്റാണ്ടുകളായി ലോകത്തെ ഭരിക്കുന്നു. 13 കുടുംബങ്ങളായിരുന്നു സാമ്രാജ്യം സൃഷ്ടിച്ചെടുത്തത്. രാഷ്ട്രീയം, കോടതികൾ, വിദ്യാഭ്യാസ സ്ഥാപനങ്ങൾ, പ്രകൃതി വിഭവങ്ങൾ, വിദേശ നയങ്ങൾ, ഭക്ഷണം, രാജ്യ സമ്പദ്വ്യവസ്ഥ, മാദ്ധ്യമങ്ങൾ എന്തിനേറെ പറയുന്നു ഭീകര സംഘടനകളെ പോലും അടക്കി വാഴുന്നത് ഈ 13 കുടുംബങ്ങളാണ്. ലോകത്തിൽ എവിടെ എങ്ങനെ എപ്പോൾ എന്ത് ആക്രമണം നടക്കണമെന്ന് തീരുമാനിക്കുന്നത് ഇല്യുമിനാറ്റികളായ ഇവരാണത്രേ. ലോകത്തിലെ ഏതൊരു രാജ്യത്ത് പുതിയൊരു സർക്കാർ രൂപീകരിക്കപ്പെടുന്നുവോ അവയെ പോലും സ്വാധീനിക്കാൻ കെൽപ്പുള്ളവർ.
250 വർഷത്തിൽ കൂടുതൽ പഴക്കം നമ്മുടെ ആധുനിക ജനാധിപത്യത്തിനില്ല. നമുക്കറിയാവുന്നതുപോലെ, ലോകം എല്ലായ്പ്പോഴും ഭരിക്കുന്നത് അധികാരമുള്ളവരാണ്. സമ്പത്തും വിഭവങ്ങളും എങ്ങനെ നിയന്ത്രിക്കാമെന്ന് അവർക്കറിയാം. ലോകത്തിലെ 99 ശതമാനവും വിഭവങ്ങൾ തങ്ങളുടെ അധീനതയിലാക്കി, ബാക്കി 1 ശതമാനം മാത്രമേ ആഗോള ജനതയ്ക്ക് ഇല്യുമിനാറ്റികൾ വിട്ടുകൊടുത്തിട്ടുള്ളുവത്രേ. ആഗോള ജനസംഖ്യ വെറും ഒരു ബില്യണിൽ താഴെ മാത്രമായിരിക്കണമെന്ന് അവർ ആഗ്രഹിക്കുന്നു.
ജനസംഖ്യയെ നിയന്ത്രണത്തിലാക്കാൻ, വൈറസുകൾ, വാക്സിനുകൾ, ജനിതകമാറ്റം വരുത്തിയ ഭക്ഷണം തുടങ്ങി ശാസ്ത്രീയമായി എഞ്ചിനീയറിംഗ് ചെയ്ത ആഗോള ജനസംഖ്യാ നിയന്ത്രണ രീതികൾ ആസൂത്രണം ചെയ്യാൻ പോലും ഇവർ തയ്യാറാണ്. ക്യാൻസർ മുതൽ എയ്ഡ്സ് വരെയുള്ള മാരക രോഗങ്ങൾക്കുള്ള മരുന്ന് പോലും ഈ കുടുംബങ്ങൾ കൈവശം വച്ചിട്ടുണ്ടെന്ന് പറയപ്പെടുന്നു, പക്ഷേ അത് പൊതുജനങ്ങൾക്ക് വിട്ടുകൊടുക്കാൻ ഇവർ തയ്യാറുമല്ല. കാരണം, ലോകത്തിലെ മരുന്ന് കച്ചവടം നിയന്ത്രിക്കുന്നത് ഇതേ ഇല്യുമിനാറ്റികൾ ആയതുകൊണ്ടുതന്നെ.
ആരാണ് ആ 13 ഇല്യുമിനാറ്റികൾ
1. ദി ആസ്റ്റർ ബ്ളഡ് ലൈൻ
2. ദി ബണ്ടി ബ്ളഡ് ലൈൻ
3. ദി കോളിൻസ് ബ്ളഡ് ലൈൻ
4. ദി ഡ്യുപോണ്ട് ബ്ളഡ് ലൈൻ
5. ദി ഫ്രീമാൻ ബ്ളഡ് ലൈൻ
6. ദി കെന്നഡി ബ്ളഡ് ലൈൻ
7. ദി ലി ബ്ളഡ് ലൈൻ
8. ദി ഒനാസിസ് ബ്ളഡ് ലൈൻ
9. ദി റോക്കെഫെല്ലർ ബ്ളഡ് ലൈൻ
10. ദി റസ്സൽ ബ്ളഡ് ലൈൻ
11. ദി വാൻ ഡ്യുവൻ ബ്ളഡ് ലൈൻ
12. ദി മെറോവെഞ്ചിയൻ ബ്ളഡ് ലൈൻ
13. ദി റോത്ത്ഷീൽഡ് ബ്ളഡ് ലൈൻ
ദി ഗ്രേറ്റ് കോൺസ്പിറസി തിയറിയും ഇല്യുമിനാറ്റിയുമൊക്കെ സത്യമാണോ മിഥ്യയാണോ എന്നൊന്നും അറിയില്ല. പക്ഷേ ലോകത്ത് വലിയൊരു വിഭാഗം വിശ്വസിക്കുന്നത് അവരെയൊക്കെ അടക്കി ഭരിക്കുന്നത് ഈ 13 ഇല്യുമിനാറ്റികളാണെന്ന്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |