SignIn
Kerala Kaumudi Online
Saturday, 28 January 2023 10.18 PM IST

മാവേലി വന്നു, (പാതാളത്തിൽ നിന്നല്ല, സൗദിയിൽ നിന്ന് )

maveli

പത്തനംതിട്ട : അത്തപ്പൂക്കളം വിരിഞ്ഞതോടെ ഒാണതിമിർപ്പിലായ മലയോരനാട്ടിൽ മാവേലിയും എത്തി. പാതാളമെന്ന പതിവ് ഇടത്തുനിന്നല്ല ഇത്തവണ മാവേലി മന്നന്റെ വരവ്. കടൽ കടന്ന് അങ്ങ് സൗദി അറേബ്യയിൽ നിന്നാണ് അദ്ദേഹം എത്തിയത്. പത്തനംതിട്ട കളക്ടറേറ്റിലെത്തി കളക്ടർ ദിവ്യാ എസ് അയ്യരുമായും ജില്ലാ പഞ്ചായത്ത് പ്രസിഡന്റ് അഡ്വ.ഓമല്ലൂർ ശങ്കരനുമായും കൂടിക്കാഴ്ച നടത്തുകയും ചെയ്തു.

ഈ മാവേലി ആരെന്നല്ലേ ?...

മാരാമൺ നെടുമ്പ്രയാർ ചെറുവട്ടൂരിലെ ജേക്കബ് വർഗീസ്. മുപ്പത്തൊമ്പത് വർഷമായി സൗദി അറേബ്യയിൽ ബിസിനസ് ചെയ്യുകയായിരുന്നു. ഒരു വർഷമായി ഇപ്പോൾ നാട്ടിലുണ്ട്. സൗദിയിൽ ഓണാഘോഷം തുടങ്ങിയാൽ ജേക്കബ് ആണ് മാവേലി. രണ്ട് മാസത്തോളം ഓണം ആഘോഷമാണ് അവിടെ. ആദ്യം തമാശയായി സുഹൃത്തുക്കൾ നിർബദ്ധിച്ചപ്പോൾ മാവേലി വേഷം കെട്ടി. പിന്നീട് മുടങ്ങാതെ ഇരുപത് വർഷമായി ജേക്കബ് മാവേലിയായി. ഇതുകൊണ്ട് മാത്രം അവസാനിക്കുന്നുമില്ല. ക്രിസ്മസിന് ഫാദറായും ജേക്കബ് വർഗീസ് തന്നെയാണ് വേഷമിടുന്നത്. സൗദിയിൽ സംഘടനകളും അസോസിയേഷനുകളും നടത്തുന്ന ഓണാഘോഷത്തിൽ ജേക്കബ് പതിവായി എത്താറുണ്ട് മാവേലിയായി. വരുമാന മാർഗമായിട്ടല്ല ഇൗ വേഷപ്പകർച്ച. ജേക്കബിനും ഇപ്പോൾ ഈ വേഷങ്ങൾ ഏറെ ഇഷ്ടമാണ്. സ്വന്തമായി തന്നെയാണ് മേക്കപ്പിടുന്നതും.

ജില്ലാ പഞ്ചായത്തിലെ ഓണാഘോഷങ്ങൾക്കായി ഇന്നലെ മാവേലിയായി പത്തനംതിട്ടയിലെത്തിയതാണ് ജേക്കബ് വർഗീസ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, PATHANAMTHITTA
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.