ഇത് കേരളമാ... ഇവിടെ ഭരിക്കുന്നത് പൊലീസല്ല, പിണറായി വിജയനാ... പണിയും പോകും അഴിയും എണ്ണേണ്ടിവരും, കാക്കിപ്പട ടീസർ

ഷെബി ചൗഘട് സംവിധാനം ചെയ്യുന്ന കാക്കിപ്പടയിലെ ടീസർ റിലീസ് ചെയ്തു. 'പക്ഷേ ഇത് കേരളമാ... ഇവിടെ ഭരിക്കുന്നത് പൊലീസല്ല,​ പിണറായി വിജയനാ... പണിയും പോകും അഴിയും എണ്ണേണ്ടി വരും' എന്ന ടീസറിലെ സംഭാഷണമാണ് ശ്രദ്ധ നേടുന്നത്. കുറ്റവാളിയിൽ നിന്ന് പൊലീസിലേക്കുള്ള അന്വേഷണത്തിന്റെ സഞ്ചാരം ആണ് സിനിമ പറയുന്നത്. നിരഞ്‌ജ് മണിയൻപിള്ള രാജു,​ അപ്പാനി ശരത്,​ ചന്തുനാഥ്,​ ആരാധിക,​ സുജിത് ശങ്കർ,​ മണികണ്ഠൻ ആചാരി,​ ജയിംസ് ഏല്യാ,​ സിനോജ് വർഗീസ്,​ കുട്ടി അഖിൽ,​ സൂര്യാ അനിൽ,​ മാലാപാർവതി എന്നിവരും നിരവധി പുതുമുഖങ്ങളും ചിത്രത്തിൽ അണിനിരക്കുന്നു.

എസ്.വി പ്രൊഡക്ഷൻസിന്റെ ബാനറിൽ ഷെജി വലിയകത്ത് ആണ് ചിത്രം നിർമ്മിക്കുന്നത്. തിരക്കഥ,​ സംഭാഷണം ഷെബി ചൗഘട്,​ ഷെജി വലിയകത്ത്,​ സംഗീതം ജാസി ഗിഫ്ട്. പ്രശാന്ത് കൃഷ്ണ കാമറയും ബാബു രത്നം എഡിറ്റിംഗും നിർവഹിക്കുന്നു.