വളാഞ്ചേരി: നഗരസഭ വാർഷിക പദ്ധതിയിൽ ഉൾപ്പെടുത്തി നെൽ കർഷകർക്ക് നൽകുന്ന ധനസഹായ വിതരണം ചെയർമാൻ അഷറഫ് അമ്പലത്തിങ്ങൾ ഉദ്ഘാടനം ചെയ്തു. 14,​00,​000 രൂപ ചെലവഴിച്ചാണ് പദ്ധതി നടപ്പിലാക്കുന്നത്.145 ഓളം വരുന്ന കർഷകർക്കാണ് പദ്ധതിയുടെ വിഹിതം ലഭിക്കുക. ഒരു ഹെക്ടറിന് 17500 രൂപ വീതം ഒരോ കർഷകനും ലഭിക്കും. വൈസ് ചെയർപേഴ്സൺ റംല മുഹമ്മദ് അദ്ധ്യക്ഷത വഹിച്ചു. കൃഷി ഓഫീസർ ഹണി ഗംഗാദരൻ,​ സ്റ്റാൻഡിംഗ് കമ്മിറ്റി ചെയർമാൻമാരായ സി.എം റിയാസ്, മുജീബ് വാലാസി, ഇബ്രാഹിം മാരാത്ത്, ചെയർപേഴ്സൺമാരായ റൂബി ഖാലിദ്, ദീപ്തി ശൈലേഷ്, കൗൺസിലർമാർ തുടങ്ങിയവർ സംസാരിച്ചു.

വളാഞ്ചേരി നഗരസഭ നെൽകൃഷി കർഷകർക്ക് നൽകുന്ന ധനസഹായ വിതരണം ചെയർമാൻ അഷറഫ് അമ്പലത്തിങ്ങൾ ഉദ്ഘാടനം ചെയ്യുന്നു.