കൊല്ലം: തമിഴ്നാട്ടിൽ നിന്ന് കേരളത്തിലേയ്ക്ക് എത്തിച്ച മായം കലർത്തിയ പാൽ പിടികൂടി. ഹൈഡ്രജൻ പെറോക്സൈഡ് കലർത്തിയ 15,300 ലിറ്റർ പാലാണ് പിടികൂടിയത്. ടാങ്കറിൽ കൊണ്ടുവന്ന പാൽ കൊല്ലം ആര്യങ്കാവിൽ നിന്ന് പിടികൂടുകയായിരുന്നു.
ഇന്ന് രാവിലെ ആര്യങ്കാവ് ചെക്ക് പോസ്റ്റിന് സമീപത്തായി മൃഗസംരക്ഷണ വകുപ്പ് ഉദ്യോഗസ്ഥർ നടത്തിയ പരിശോധനയിലാണ് പാൽ പിടികൂടിയത്. പിടിച്ചെടുത്ത പാൽ ആരോഗ്യവകുപ്പിന് കൈമാറി. പത്തനംതിട്ടയിലെ പന്തളത്തുള്ള ഒരു കമ്പനിയിലേയ്ക്ക് കൊണ്ടുവന്ന പാലാണിത് എന്നാണ് മൃഗസംരക്ഷണ വകുപ്പ് നൽകുന്ന വിവരം. പാൽ ഏറെ നാൾ കേടുകൂടാതെയിരിക്കുന്നതിനായാണ് ഹൈഡ്രജൻ പെറോക്സൈഡ് ചേർക്കുന്നത്. ആരോഗ്യവകുപ്പിന്റെ പരിശോധനയ്ക്ക് ശേഷം മാത്രമേ കൂടുതൽ കാര്യങ്ങൾ വ്യക്തമാവുകയുളളൂവെന്ന് അധികൃതർ പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |