തിരുവനന്തപുരം : ഇലന്തൂർ ഇരട്ട നരബലിക്കേസിൽ രണ്ടാമത്തെ കുറ്റപുത്രം സമർപ്പിച്ചു. കാലടി സ്വദേശി റോസ്‌ലിയെ കൊലപ്പെടുത്തിയ കേസിൽ പ്രതികളുടെ അറസ്റ്റ് രേഖപ്പെടുകത്തി 89-ാം ദിവസമാണ് കുറ്റപത്രം സമർപ്പിക്കുന്നത്. കൊലക്കുറ്റത്തിന് പുറമേ മനുഷ്യക്കടത്ത്,​ മൃതദേഹത്തോട് അനാദരവ്. മോഷണം,​ തെളിവ് നശിപ്പിക്കൽ തുടങ്ങിയ കുറ്റങ്ങളും പ്രതികൾക്കെതിരെ ചുമത്തി. പ്രതികൾ മനുഷ്യമാംസം പാകംചെയ്ത് കഴിച്ചതായും 3000 പേജുകളുള്ള കുറ്റപത്രത്തിൽ പറയുന്നു.

അപൂർവ്വങ്ങളിൽ അപൂർവ്വമായ കേസാണെന്നും കുറ്റപത്രത്തിൽ പരാമർശമുണ്ട്. 200ലധികം സാക്ഷിമൊഴികൾ,​ അമ്പതോലം മഹസറുകൾ,​ 130ലധികം രേഖകൾ,​ അമ്പതോളം തൊണ്ടിമുതലുകൾ എന്നിവയും അന്വേഷണ സംഘം സമർപ്പിച്ചിരുന്നു. തമിഴ്നാട് സ്വദേസി പത്മത്തെ കൊലപ്പെടുത്തിയ കേസിലെ കുറ്റപത്രം ഈ മാസം ആറിന് എറണാകുളം മജിസ്ട്രേറ്റ് കോടതിയിൽ സമർപ്പിച്ചിരുന്നു.

അതേസമയം ഇരട്ടനരബലി കേസിൽ സ്പെഷ്യൽ പ്രോസിക്യൂട്ടറായി അഡ്വ. എൻ.കെ. ഉണ്ണിക്കൃഷ്ണനെ നിയമിച്ചു. ജിഷ കേസിലു കൂടത്തായി കേസിലും ഉണ്ണിക്കൃഷ്ണൻ സ്പെഷ്യൽ പ്രോസിക്യൂട്ടറായിരുന്നു.