ബിബിസിയുടെ വിവാദ ഡോക്യുമെന്ററി 'ഇന്ത്യ ദി മോദി ക്വസ്റ്റ്യന്റെ' കേരളത്തിലെ പ്രദർശനങ്ങൾ തടയണമെന്ന് കേന്ദ്രമന്ത്രി വി മുരളീധരൻ. 2002ലെ ഗുജറാത്ത് കലാപത്തെക്കുറിച്ചുള്ള ഡോക്യുമെന്റി കേരളത്തിൽ പ്രദർശിപ്പിക്കാനുള്ള നീക്കം ഒരുതരത്തിലും അനുവദിക്കരുതെന്ന് അദ്ദേഹം ഫേസ്ബുക്ക് പോസ്റ്റിലൂടെ ആവശ്യപ്പെട്ടു. ഇക്കാര്യത്തിൽ മുഖ്യമന്ത്രി പിണറായി വിജയൻ അടിയന്തരമായി ഇടപെടണമെന്നും, പ്രദർശനം അനുവദിക്കുന്നത് രാജ്യത്തിന്റെ
ഐക്യവും അഖണ്ഡതയും അപകടപ്പെടുത്താനുള്ള വിദേശനീക്കങ്ങൾക്ക് കൂട്ടുനിൽക്കുന്നതിന് തുല്യമാണെന്നും അദ്ദേഹം അഭിപ്രായപ്പെട്ടു. അതേസമയം കേരളത്തിന്റെ വിവിധ ഭാഗങ്ങളിൽ വിവാദ ഡോക്യുമെന്ററി പ്രദർശിപ്പിക്കാൻ വിവിധ സംഘടനകൾ തീരുമാനിച്ചിരിക്കുകയാണ്.
ഫേസ്ബുക്ക് പോസ്റ്റിന്റെ പൂർണരൂപം
2002ലെ ഗുജറാത്ത് കലാപത്തെക്കുറിച്ചുള്ള ഡോക്യുമെന്റി കേരളത്തിൽ പ്രദര്ശിപ്പിക്കാനുള്ള നീക്കം ഒരുതരത്തിലും അനുവദിക്കരുത്.
ഇക്കാര്യത്തില് മുഖ്യമന്ത്രി പിണറായി വിജയന് അടിയന്തരമായി ഇടപെടണം.
ഇന്ത്യയുടെ ഐക്യവും അഖണ്ഡതയും അപകടപ്പെടുത്താനുള്ള വിദേശനീക്കങ്ങള്ക്ക് കൂട്ടുനില്ക്കുന്നതിന് തുല്യമാണ് പ്രദര്ശനം അനുവദിക്കുന്നത്.
രാജ്യത്തിന്റെ പരമോന്നത നീതിപീഠം തള്ളിക്കളഞ്ഞ ആരോപണങ്ങള് വീണ്ടും അവതരിപ്പിക്കുന്നത് സുപ്രീംകോടതിയുടെ വിശ്വാസ്യതയെ ചോദ്യം ചെയ്യലാണ്.
സുപ്രീംകോടതിയെ അപമാനിക്കാന് കേരളത്തിന്റെ മണ്ണ് ഉപയോഗിക്കണോയെന്ന് സര്ക്കാര് തീരുമാനിക്കണം.
രണ്ടു ദശകം മുമ്പ് നടന്ന ദൗര്ഭാഗ്യകരമായ സംഭവങ്ങള് വീണ്ടും ഓര്മിപ്പിക്കുന്നത് മതസ്പര്ധ വളര്ത്തുമെന്നുറപ്പ്.
ഗുജറാത്ത് ജനത മറക്കാനാഗ്രഹിക്കുന്ന ഇരുണ്ട ദിനങ്ങളെ വീണ്ടും ഓര്മിപ്പിക്കുന്നതിലൂടെ നാം എന്താണ് നേടുന്നത്?
ആ സംസ്ഥാനത്ത് കഴിഞ്ഞ രണ്ടുദശകമായി കലാപങ്ങളില്ല, മറിച്ച് വികസനക്കുതിപ്പ് മാത്രം.
ആ വികസനക്കുതിപ്പിലും ബിജെപിയുടെ വന്വിജയത്തിലും അസ്വസ്ഥയുള്ളവരാണ് ഡോക്യുമെന്ററിക്ക് പിന്നില്.
നമ്മുടെ രാജ്യത്തിന്റെ പരമാധികാരത്തിനുമേല് കടന്നുകയറി വിദേശമാധ്യമം നടത്തുന്ന പ്രചാരവേലയ്ക്ക് കൂട്ടുനില്ക്കുന്നത് രാജ്യദ്രോഹമാണ്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |