തൃശൂർ: ശ്രീനാരായണ പെൻഷനേഴ്സ് കൗൺസിൽ തൃശൂർ യൂണിയന്റെ ആഭിമുഖ്യത്തിൽ നിവർത്തന പ്രക്ഷോഭ നിശ്ചയത്തിന്റെ നവതി ആഘോഷം ഇന്ന് ഉച്ചകഴിഞ്ഞ് 2.30ന് ഹോട്ടൽ എലൈറ്റിൽ നടക്കും. എസ്.എൻ.ഡി.പി യോഗം അസിസ്റ്റന്റ് സെക്രട്ടറി കെ.വി.സദാനന്ദൻ ഉദ്ഘാടനം ചെയ്യും. സുപ്രീം കോടതി വിധിയും പ്രത്യാഘാതങ്ങളുമെന്ന വിഷയത്തിൽ പിന്നാക്ക വികസന വകുപ്പ് മുൻ ഡയറക്ടർ വി.ആർ.ജോഷി മുഖ്യപ്രഭാഷണം നടത്തും. അഡ്വ.എം.എൻ.ശശിധരൻ, അഡ്വ.സംഗീത വിശ്വനാഥ്, ഐ.ജി.പ്രസന്നൻ, എ.വി.സജീവ് എന്നിവർ പ്രസംഗിക്കും.
നടതുറപ്പ് മഹോത്സവം
നായരങ്ങാടി: ചിറ്റ്യേത്ത് മറ്റപ്പിള്ളി ഭദ്രകാളി ക്ഷേത്രത്തിലെ നടതുറപ്പ് മഹോത്സവത്തോട് അനുബന്ധിച്ച് 27ന് നടതുറക്കും. വൈകിട്ട് ആറിന് ദേവിക്ക് കളമെഴുത്തുപാട്ട്, പൊങ്കാല. ശേഷം വീരഭദ്രസ്വാമിക്ക് കളമെഴുത്തുപാട്ട്. ശനി പുലർച്ചെ എട്ടിന് വിഷ്ണുമായ സ്വാമിക്ക് കളമെഴുത്തുപാട്ട്. ക്ഷേത്രം തന്ത്രി താണിയത്ത് സുധൻ തന്ത്രി, മേൽശാന്തി അനീഷ് ശാന്തി, ലിജേഷ് ശാന്തി എന്നിവർ മുഖ്യകാർമ്മികത്വം വഹിക്കും.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |