മാതാപിതാക്കൾക്ക് ധനുഷിന്റെ സമ്മാനമായി 150 കോടിയുടെ വീട്

മാതാപിതാക്കൾക്ക് സ്വപ്നഭവനം സമ്മാനിച്ച് ധനുഷ്. ചെന്നൈ പോയസ് ഗാർഡനിലാണ് ധനുഷ് വീട് നിർമ്മിച്ചുനൽകിയത്. 150 കോടി വിലവരുന്ന വീട് എന്നാണ് റിപ്പോർട്ട്. ഗൃഹപ്രവേശം ശിവരാത്രി ദിനത്തിൽ നടന്നു. 2021 ൽ തുടങ്ങിയ വീടിന്റെ നിർമ്മാണം കഴിഞ്ഞമാസമാണ് പൂർത്തിയായത്. ധനുഷിന്റെ തിരുടാതിരുടി, സീഡൻ തുടങ്ങിയ ചിത്രങ്ങളുടെ സംവിധായകനായ സുബ്രഹ്മണ്യംശിവ ഗൃഹപ്രവേശം ചിത്രങ്ങൾ സമൂഹ മാദ്ധ്യമത്തിൽ പങ്കുവച്ചു. ഒരു ക്ഷേത്രംപോലെയാണ് ധനുഷിന്റെ വീട് തനിക്ക് അനുഭവപ്പെട്ടതെന്ന് സുബ്രഹ്മണ്യം ശിവ പറയുന്നു. അതേസമയം ധനുഷ് നായകനായി എത്തിയ വാത്തി മികച്ച വിജയം നേടുന്നു. വെങ്കി അറ്റ്‌ലൂരി സംവിധാനം ചെയ്യുന്ന ചിത്രത്തിൽ മലയാളി താരം സംയുക്ത മേനോൻ ആണ് നായിക.