തീരദേശ ഹൈവേ, പദ്ധതി അവലോകന യോഗം നടന്നു

പാറശാല: പൊഴിയൂർ മുതൽ കാപ്പിൽ വരെയുള്ള 81.4 കിലോമീറ്റർ ഉൾപ്പെടുന്ന തീരദേശ ഹൈവേ സംബന്ധിച്ച പദ്ധതി പ്രാഥമിക അവലോകന യോഗം കെ.ആൻസലൻ എം.എൽ.എ ഉദ്ഘാടനം ചെയ്തു. നാറ്റ്പാക് ആണ് പദ്ധതിയുടെ അലൈൻമെന്റ് തയാറാക്കിയിട്ടുള്ളത്. ഭൂമി ഏറ്റെടുക്കേണ്ട ആവശ്യത്തിനായി പൊഴിയൂർ - കോവളം, കുമർത്തിചന്ത - പള്ളിത്തുറ, പള്ളിത്തുറ - ഒന്നാംപാലം, ഒന്നാംപാലം - കാപ്പിൽ എന്നിങ്ങനെ അലൈൻമെന്റ് നാല് സ്ട്രെച്ചുകളായി തിരിച്ചിട്ടുണ്ട്. പൊഴിയൂർ പൊഴിക്കര, പൂവാർ പൊഴിക്കര, പുതിയതുറ, പുല്ലുവിള, അടിമലത്തുറ, ചൊവ്വര, പുളിങ്കുടി, മുല്ലൂർ, മുക്കോല, വിഴിഞ്ഞം, ആഴാകുളം, കോവളം മുതലായ പ്രധാന ജംഗ്ഷനുകളിലൂടെയാണ് ഹൈവേ കടന്നുപോകുന്നത്.