ബാലുശ്ശേരി: കൃഷിഭവൻ നടപ്പാക്കുന്ന കൃഷിയാധിഷ്ഠിത വികസന സമീപനം എന്ന പദ്ധതിയുടെ ഘടകമായ സംയോജിത കൃഷിത്തോട്ടം പദ്ധതിയിൽ തിരഞ്ഞെടുത്ത കർഷകനുള്ള സഹായം വിതരണം ചെയ്തു. ബാലുശ്ശേരി കാർഷിക കർമ്മസേന മുഖേനയാണ് ആനുകൂല്യം വിതരണം നടത്തിയത് . മൃഗസംരക്ഷണ മേഖലയിലെ നിലവിലെ ഘടകങ്ങളെ ശാക്തീകരിക്കുന്നതിന്റെ ഭാഗമായി മാധവൻ തൈയ്യുള്ളതിലിന് ആടുകളെ നൽകി. പദ്ധതിയുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് രൂപലേഖ കൊമ്പിലാട് നിർവഹിച്ചു. ചടങ്ങിൽ ഗ്രാമപഞ്ചായത്ത് വൈസ് പ്രസിഡന്റ് അസൈനാർ എമ്മച്ചങ്കണ്ടി അദ്ധ്യക്ഷത വഹിച്ചു. വാർഡ് മെമ്പർ ഇന്ദിര , കർമ്മസേന പ്രസിഡന്റ് രാജൻ മൂടമ്പത്ത്, അംഗങ്ങളായ സുധാകരൻ പുതിയോട്ടിൽ, സത്യനാഥൻ നിലങ്കണ്ടി ,കൃഷി അസിസ്റ്റൻറ് ഷിനിജ കെ എൻ എന്നിവർ പ്രസംഗിച്ചു. ബാലുശ്ശേരി കൃഷി ഓഫീസർ എം.വിധു സ്വാഗതവും കൃഷി അസിസ്റ്റൻറ് സജി നന്ദിയും പറഞ്ഞു .
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |