തിരുവനന്തപുരം: ബ്രഹ്മപുരം തീപിടിത്തത്തിൽ അന്വേഷണം വേണമെന്ന് സി.പി.ഐ സംസ്ഥാന എക്സിക്യുട്ടീവ് യോഗത്തിൽ മുൻമന്ത്രി മുല്ലക്കര രത്നാകരൻ. ബ്രഹ്മപുരം കേരളത്തിന്റെ നന്ദിഗ്രാമാണെന്ന് മുല്ലക്കര പറഞ്ഞു. മറ്റുനേതാക്കളും വിഷയത്തിൽ ഇടപെട്ടപ്പോൾ നിയമസഭാ സമ്മേളനം നടക്കുന്നതിനാൽ ഇപ്പോൾ ചർച്ച വേണ്ടെന്ന് സംസ്ഥാന സെക്രട്ടറി കാനം രാജേന്ദ്രൻ ആവശ്യപ്പെടുകയായിരുന്നു.

അതേസമയം തീപിടിത്തവുമായി ബന്ധപ്പെട്ട് കേന്ദ്ര ആരോഗ്യമന്ത്രാലയം സംസ്ഥാന സർക്കാരിനോട് റിപ്പോർട്ട് തേടി. പൊതുജനാരോഗ്യം ഉറപ്പാക്കാൻ വേണ്ട എല്ലാപിന്തുണയും നൽകുമെന്ന് കേന്ദ്ര ആരോഗ്യമന്ത്രി മൻസുഖ് മാണ്ഡവ്യ വ്യക്തമാക്കി.