ആൻമേരിക്ക് അമേരിക്കൻ സ്കോളർഷിപ്പ്

തിരുവനന്തപുരം : അമേരിക്കയിലെ നാഷണൽ കോളേജ് അത്‌ലറ്റിക് അസോസിയേഷന്റെ ഏറ്റവും ഉന്നതമായ ഡി വൺ സ്കോളർഷിപ്പ് സ്വന്തമാക്കി മലയാളി ബാസ്കറ്റ് ബാൾ താരം ആൻ മേരി സക്കറിയ.

ആറടി മൂന്നിഞ്ച് ഉയരമുള്ള ആൻ മേരി സക്കറിയ യൂത്ത്, ജൂനിയർ തലങ്ങളിൽ കേരളത്തിനായി മികച്ച പ്രകടനം നടത്തിയ താരമാണ്. 2020 ലെ ഖേലോ ഇന്ത്യ യൂത്ത് ഗെയിംസിലും മികച്ച പ്രകടനം കാഴ്ചവച്ചിരുന്നു.ബാംഗ്ലൂരിൽ നടന്ന യൂത്ത് ഏഷ്യൻ ചാമ്പ്യൻഷിപ്പിൽ ഇന്ത്യയെ പ്രതിനിധീകരിച്ചിട്ടുണ്ട്.

നേരത്തേ ഡി ടു സ്കോളർഷിപ്പ് നേടി അമേരിക്കയിൽ പഠനവും പരിശീലനവും നടത്തിവരവേയാണ് ഡി വൺ സ്കോളർഷിപ്പ് ലഭിക്കുന്നത്. മുൻ ഇന്ത്യൻ ബാസ്‌ക്കറ്റ്‌ബാൾ താരങ്ങളായ സക്കറിയ തോമസിന്റെയും ജീന സക്കറിയയുടെയും മകളാണ് ആൻ.