ഫർണീച്ചറുകൾ കൈമാറി

ചേർത്തല : നഗരസഭ ചേർത്തല ഗവ.ഗേൾസ് ഹയർ സെക്കൻഡറി സ്‌കൂളിന് അനുവദിച്ച 10 ലക്ഷം രൂപയുടെ ഫർണീച്ചറുകളുടെ വിതരണോദ്ഘാടനം മുനിസിപ്പൽ ചെയർപേഴ്സൺ ഷേർളി ഭാർഗവൻ നിർവഹിച്ചു.സ്‌കൂൾ ഓഡി​റ്റോറിയത്തിൽ നടന്ന ചടങ്ങിൽ വൈസ് ചെയർമാൻ ടി.എസ്.അജയകുമാർ അദ്ധ്യക്ഷത വഹിച്ചു.ഹയർസെക്കൻഡറി അദ്ധ്യാപകൻ കെ.പി.ശ്രീകുമാർ പദ്ധതി വിശദീകരിച്ചു. പി.ടി.എ പ്രസിഡന്റ് പി.ടി. സതീശൻ,വൈസ് പ്രസിഡന്റ് സിന്ധു ഷൈജു,എക്സിക്യൂട്ടീവ് അംഗം എം.സി.മനോജ് എന്നിവർ സംസാരിച്ചു. ഹെഡ്മാസ്​റ്റർ എ.എസ്.ബാബു സ്വാഗതവും എസ്.എം.സി ചെയർമാൻ മുരുകൻ നന്ദിയും പറഞ്ഞു.