കെട്ടിട നികുതി: ധർണ ഇന്ന്

കൊച്ചി: പിണറായി സർക്കാരിന്റെ അന്യായമായ കെട്ടിടനികുതി, പെർമിറ്റ് ഫീസ് വർദ്ധനവുകൾക്കെതിരെ തദ്ദേശ സ്ഥാപനങ്ങളിലെ കോൺഗ്രസ് ജനപ്രതിനിധികൾ ഇന്ന് കളക്ടറേറ്റ് ധർണ നടത്തും. രാവിലെ 10ന് കാക്കനാട് കളക്ടറേറ്റിന് മുന്നിൽ നടക്കുന്ന ധർണ ഹൈബി ഈഡൻ എം.പി. ഉദ്ഘാടനം ചെ യ്യും. കൊവിഡിനും പ്രളയത്തിനും ശേഷം തൊഴിൽ നഷ്ടപ്പെട്ട് സാമ്പത്തികമായി കരകയറാൻ ബുദ്ധിമുട്ടുന്ന ജനങ്ങൾക്ക് കടുത്ത പ്രയാസം ഉണ്ടാക്കുന്നതാണ് വർദ്ധിപ്പിച്ച നികുതി നിരക്കുകൾ. നികുതിയിൽ പരമാവധി ഇളവ് നൽകി ജനങ്ങളെ സംരക്ഷിക്കാൻ മാനുഷിക നടപടിയുമായി കോൺഗ്രസും യു.ഡി.എഫും ഏതറ്റം വരെയും മുന്നോട്ടു പോകുമെന്നും മുഹമ്മദ് ഷിയാസ് അറിയിച്ചു.