SignIn
Kerala Kaumudi Online
Saturday, 07 December 2019 10.39 PM IST

മദ്യം കയറ്റിയ ലോറി മറിഞ്ഞ് ഡ്രൈവർ മരിച്ചു, കുപ്പിക്ക് കാവൽ നിന്ന പൊലീസ് ഡ്രൈവറെ രക്ഷിക്കാനെത്തിയ നാട്ടുകാരെ ആട്ടിയോടിച്ചു

accident

മൂലമറ്റം: ഒളമറ്റം ബിവറേജസ് ഗോഡൗണിൽ നിന്നും ചെറുതോണിയിലെ ബാറിലേക്ക് മദ്യം കയറ്റി പോയ ലോറി കൊക്കയിലേക്ക് മറിഞ്ഞ് ഡ്രൈവർ മരിച്ചു. വെങ്ങല്ലൂർ പുളിക്കാലായിൽ ഇസ്മായിൽ (47) ആണ് മരിച്ചത്.തൊടുപുഴ പുളിയൻമല സംസ്ഥാന പാതയിലെ കുളമാവ് നാടുകാണിയിൽ ഇന്നലെ വൈകിട്ട് അഞ്ചരയോടെയായിരുന്നു അപകടം. തൊടുപുഴയ്ക്ക് സമീപം ഒളമറ്റത്തെ ഗോഡൗണിൽ നിന്നും ബിയറും വൈനും കയറ്റിയ ലോറിയാണ് അപകടത്തിൽപ്പെട്ടത്. നാടുകാണിയിലെ കൊടുംവളവിൽ നിയന്ത്രണം വിട്ട ലോറി എതിർ ദിശയിലെ തിട്ടയിൽ ഇടിച്ച ശേഷം 150 അടിയോളം താഴ്ച്ചയിലേക്ക് മറിയുകയായിരുന്നു.

സംഭവമറിഞ്ഞ് നാട്ടുകാർ രക്ഷാ പ്രവർത്തനത്തിനെത്തിയെങ്കിലും വാഹനത്തിനടുത്തേക്ക് പോകുവാൻ പൊലീസ് സമ്മതിച്ചില്ല .ലോറിയിൽ നിന്നും തെറിച്ച് വീണ മദ്യ കുപ്പികൾ നാട്ടുകാർ കൈയടക്കും എന്ന് പറഞ്ഞാണ് പൊലീന് നാട്ടുകാരെ വിലക്കിയത് . മദ്യക്കുപ്പികൾക്കിടയിൽ കുടുങ്ങിക്കിടക്കുകയായിരുന്ന ഡ്രൈവറെ ഏറെ സമയത്തെ തിരച്ചിലിന് ശേഷമാണ് കണ്ടെത്തിയത്.ഉടൻ തന്നെ മൂലമറ്റത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.ഇന്ന് തൊടുപഴ ജില്ലാ ആശുപത്രിയിൽ പോസ്റ്റ്‌മോർട്ടത്തിന് ശേഷം ബന്ധുക്കൾക്ക് വിട്ട് നൽകും.ഭാര്യ നബീസ, മക്കൾ: ഐഷ, ഹുസൈൻ,

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: ACCIDENT, KERALA POLICE, IDUKKI, BEVCO
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.