ഗ്രാമോത്സവം സമാപിച്ചു

പാനൂർ: മൊകേരി കടേപ്രം ശ്രീ നാരായണ മഠത്തിന്റെ നേതൃത്വത്തിൽ സംഘടിപ്പിച്ച ഗ്രാമോത്സവം നാടിന്റെ ഉത്സവമായി. നാല് ദിവസങ്ങളിലായി നടന്ന പരിപാടികളിൽ കലാവിരുന്ന്, മാതൃവേദി സംഗമം, ബോധവത്കരണ ക്ലാസ്, രക്തദാന ക്യാമ്പ്, സൂപ്പർ മെഗാഷോ, നക്ഷത്രരാവ് തുടങ്ങിയവ അരങ്ങേറി. സാംസ്കാരിക സമ്മേളനം കെ.പി. മോഹനൻ എം.എൽ.എ ഉദ്ഘാടനം ചെയ്തു. മൊകേരി പഞ്ചായത്ത് പ്രസിഡന്റ് പി. വത്സൻ അദ്ധ്യക്ഷത വഹിച്ചു. മഠം പ്രസിഡന്റ് പി. ശ്രീധരൻ സ്വാഗതം പറഞ്ഞു. കണ്ണൂർ ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ വി.കെ. സുരേഷ് ബാബു പ്രഭാഷണം നടത്തി. പഞ്ചായത്ത് അംഗങ്ങളായ വി.പി റഫീഖ്, ഷിജിന പ്രമോദ്, കടേപ്രം കേന്ദ്ര മഹല്ല് പ്രസിഡന്റ് മരവൻ അബൂബക്കർ ഹാജി, മാതൃവേദി പ്രസിഡന്റ് കെ.പി. സതി, ഹരിദാസ് മൊകേരി, പി. ജയദേവൻ സംസാരിച്ചു.