കിഫ്ബി ഓഫീസിന് മുന്നിൽ  മലയോരക്കാരുടെ നിരാഹാരം

കാഞ്ഞങ്ങാട്: റോഡ് നിർമ്മാണം ഏറ്റെടുത്ത കരാറുകാർ പ്രവൃത്തി നടത്താത്തതിൽ പ്രതിഷേധിച്ച് മലയോര പ്രദേശക്കാർ കാഞ്ഞങ്ങാട് കാഞ്ഞങ്ങാട് കിഫ്ബി എൻജിനിയറുടെ ഓഫീസിന് മുന്നിൽ നിരാഹാരം നടത്തി.കാറ്റാംകവല റോഡിന്റെ ഒരുഭാഗം ഇടിഞ്ഞത് പുനർനിർമ്മിക്കാൻ ഊരാളുങ്കൽ സൊസൈറ്റിയാണ് കരാർ എടുത്തത്. എന്നാൽ മാസങ്ങൾ കഴിഞ്ഞിട്ടും പ്രവർത്തി നടത്താതിൽ പ്രതിഷേധിച്ചാണ് ഇന്നലെ കിഫ്ബിയുടെ ഓഫീസിന് മുന്നിൽ നിരാഹാരം നടത്തിയത്. മലയോര പാതയുടെ പ്രധാന ഭാഗമാണിത്. നിരാഹാര സമരം ടോമി കുരുവിളാനി ഉദ്ഘാടനം ചെയ്തു. ജയിസൺ മററപ്പള്ളി, ബേബി വെട്ടുകല്ലേൽ സണ്ണി പുതനപ്ര, ജോസഫ് നെല്ലി വീട്ടിൽ, ഷിബു ആലത്തടി തുടങ്ങിയവർ നിരാഹാരത്തിന് നേതൃത്വം നൽകി. ജോയിമാരടി സ്വാഗതം പറഞ്ഞു.