തി​രൂ​ർ​:​ ​തി​രൂ​ർ​ ​സ്വ​ദേ​ശി​യാ​യ​ ​ഹോ​ട്ട​ലു​ട​മ​ ​ സി​ദ്ദീഖി​നെ​ (58)​ ​കൊ​ന്ന് ​വെ​ട്ടി​നു​റു​ക്കി​ ​ ​കൊ​ക്ക​യി​ൽ​ ​ത​ള്ളി​യ​ ​കേ​സി​ൽ​ ​ചെ​ന്നൈ​യി​ൽ​ ​പി​ടി​യി​ലാ​യ​ ​പ്ര​ധാ​ന​ ​പ്ര​തി​ക​ളെ​ ​ഇ​ന്ന​ലെ​ ​രാ​ത്രി​ ​വൈ​കി​ ​തി​രൂർ ഡി​വൈ.എസ്.പി​ ഒാഫീസി​ൽ എ​ത്തി​ച്ചു.​ ​സി​ദ്ദി​ഖി​ന്റെ​ ​ഹോ​ട്ട​ലി​ലെ​ ​ജീ​വ​ന​ക്കാ​ര​നാ​യി​രു​ന്ന​ ​പാ​ല​ക്കാ​ട് ​ചെ​ർ​പ്പു​ള​ശ്ശേ​രി​ ​ച​ള​വ​റ​ ​സ്വ​ദേ​ശി​ ​ഷി​ബി​ലി​ ​(22​),​ ​സു​ഹൃ​ത്ത് ​ഫ​ർ​ഹാ​ന​ ​(19)​​​ ​എ​ന്നി​വ​രെ​യാ​ണ് ​എ​ത്തി​ച്ച​ത്.​ ​ഇ​വ​രു​ടെ​ ​സു​ഹൃ​ത്താ​യ​ ​വ​ല്ല​പ്പു​ഴ​ ​സ്വ​ദേ​ശി​ ​മു​ഹ​മ്മ​ദ് ​ആ​ഷി​ഖ് ​എ​ന്ന​ ​ചി​ക്കു​വി​നെ​ ​(26​)​ ​ക​ഴി​ഞ്ഞ​ ​ദി​വ​സം​ ​പാ​ല​ക്കാ​ട്ട് ​വ​ച്ച് ​അ​റ​സ്റ്റ് ​ചെ​യ്തി​രു​ന്നു.​ ​ഇ​വ​രെ​ ​ചോ​ദ്യം​ ​ചെ​യ്തു​ ​തു​ട​ങ്ങി.

ക​ഴി​ഞ്ഞ​ 18​ന് ​കോ​ഴി​ക്കോ​ട് ​എ​ര​ഞ്ഞി​പ്പാ​ല​ത്തെ​ ​ഡി​ ​കാ​സ​ ​ഇ​ൻ​ ​ഹോട്ടലി​ൽ​ ​വ​ച്ചാ​ണ് ​ഒ​ള​വ​ണ്ണ​ ​കു​ന്ന​ത്തു​പാ​ല​ത്തെ​ ​ചി​ക് ​ബേ​ക്ക് ​ഹോ​ട്ട​ൽ​ ​ഉ​ട​മ​ ​മേ​ച്ചേ​രി​ ​സിദ്ദീ​ഖി​നെ​ ​കൊ​ല​പ്പെ​ടു​ത്തി​യ​ത്.​ ​തു​ട​ർ​ന്ന് ​മൃ​ത​ദേ​ഹം​ ​വെ​ട്ടി​മു​റി​ച്ച് ​ര​ണ്ട് ​ട്രോ​ളി​ ​ബാ​ഗു​ക​ളി​ലാ​ക്കി​ ​അ​ട്ട​പ്പാ​ടി​ ​ചു​രം​ ​വ​ള​വി​ലെ​ ​കൊ​ക്ക​യി​ൽ​ ​ത​ള്ളു​ക​യാ​യി​രു​ന്നു.
അ​ര​യ്ക്ക് ​മു​ക​ളി​ലു​ള്ള​ ​ഭാ​ഗം​ ​ഒ​രു​ട്രോ​ളി​യി​ലും​ ​ശേ​ഷി​ക്കു​ന്ന​വ​ ​മ​റ്റൊ​രു​ ​ട്രോ​ളി​യി​ലും​ ​പ്ലാ​സ്റ്റി​ക്കി​ൽ​ ​പൊ​തി​ഞ്ഞാ​ണ് ​ഒ​മ്പ​താം​ ​വ​ള​വി​ലെ​ ​കൊ​ക്ക​യി​ൽ​ ​ത​ള്ളി​യ​ത്.​ ​ഇ​ന്ന​ലെ​ ​രാ​വി​ലെ​ ​മ​ല​പ്പു​റം​ ​എ​സ്.​പി​ ​സു​ജി​ത് ​ദാ​സി​ന്റെ​ ​നേ​തൃ​ത്വ​ത്തി​ൽ​ ​ആ​ഷി​ഖു​മാ​യി​ ​ന​ട​ത്തി​യ​ ​തെ​ര​ച്ചി​ലി​ലാ​ണ് ​ മൃ​ത​ദേ​ഹാ​വ​ശി​ഷ്ട​ങ്ങ​ൾ​ ​ക​ണ്ടെ​ടു​ത്ത​ത്.​ ​വ്യാ​ഴാ​ഴ്ച​ ​വൈ​കി​ട്ട് ​ഏ​ഴി​ന് ​ജാ​ർ​ഖ​ണ്ഡി​ലേ​ക്ക് ​ക​ട​ക്കാ​ൻ​ ​ശ്ര​മി​ക്ക​വേ​യാ​ണ് ​ചെ​ന്നൈ​ ​എ​ഗ്്മോ​ർ​ ​സ്റ്റേ​ഷ​നി​ൽ നി​ന്നാണ് ഷി​ബി​ലി​യേ​യും​ ​ഫ​ർ​ഹാ​ന​യേ​യും​ ​പി​ടി​കൂ​ടി​യ​ത്.
സി​ദ്ദീ​ഖി​ന്റെ​ ​ഹോ​ട്ട​ലി​ലെ​ ​സ​പ്ള​യ​റാ​യി​രു​ന്നു​ ​ഷി​ബി​ലി.​ 15​ ​ദി​വ​സം​ ​മാ​ത്ര​മാ​ണ് ​ഇ​വി​ടെ​ ​ജോ​ലി​ ​നോ​ക്കി​യ​ത്.​ ​ഇ​തി​നി​ടെ​ ​മ​റ്റ് ​തൊ​ഴി​ലാ​ളി​ക​ൾ​ ​ഷി​ബി​ലി​യു​ടെ​ ​പെ​രു​മാ​റ്റ​ ​ദൂ​ഷ്യ​ത്തെ​പ്പ​റ്റി​ ​പ​രാ​തി​പ്പെ​ട്ട​തോ​ടെ​ 18​ന് ​ഉ​ച്ച​യോ​ടെ​ ​​ ​ശ​മ്പ​ളം​ ​ന​ൽ​കി​ ​ക​ട​യി​ൽ​ ​നി​ന്ന് ​ഒ​ഴി​വാ​ക്കി.​ ​അ​ര​മ​ണി​ക്കൂ​റി​ന് ​ശേ​ഷം​ ​ക​ട​യി​ൽ​ ​നി​ന്ന് ​പു​റ​ത്തു​പോ​യ​ ​സി​ദ്ദീ​ഖി​നെ​ ​പി​ന്നീ​ട് ​കാ​ണാ​താ​വു​ക​യാ​യി​രു​ന്നു.​ ​സി​ദ്ദീഖ് ​ത​ന്നെ​യാ​ണ് ​എ​ര​‌​ഞ്ഞി​പ്പാ​ല​ത്തെ​ ​ഹോ​ട്ട​ലി​ൽ​ ​ര​ണ്ട് ​മു​റി​ക​ളെ​ടു​ത്ത​ത്.​ ​ഇ​തി​ലൊ​രു​ ​മു​റി​യി​ൽ​ ​വ​ച്ചാ​യി​രു​ന്നു​ ​കൊ​ല​പ്പെ​ടു​ത്തി​യ​ത്.​ ​ഇ​വി​ടെ​ ​സി​ദ്ദീഖ് ​എ​ന്തി​ന് ​മു​റി​യെ​ടു​ത്തു​ ​എ​ന്ന​ത​ട​ക്ക​മു​ള്ള​ ​വി​വ​ര​ങ്ങ​ൾ​ ​പൊ​ലീ​സ് ​അ​ന്വേ​ഷി​ക്കു​ന്നു.
കൊ​ല​യ്ക്കു​ശേ​ഷം​ ​പ്ര​തി​ക​ൾ​ ​സി​ദ്ദീഖി​ന്റെ​ ​ഫോ​ണി​ലെ​ ​ഗൂ​ഗി​ൾ​ ​പേ​യി​ലൂ​ടെ​ ​പ​ണം​ ​ട്രാ​ൻ​സ്ഫ​ർ​ ​ചെ​യ്ത​ശേ​ഷം​ ​എ.​ടി.​എ​മ്മി​ൽ​ ​നി​ന്ന് ​പ​ല​യി​ട​ങ്ങ​ളി​ൽ​ ​നി​ന്നാ​ണ് ​ര​ണ്ടു​ല​ക്ഷം​ ​രൂ​പ ​പി​ൻ​വ​ലി​ച്ചു.
22​ന് ​സി​ദ്ദീഖി​ന്റെ​ ​മ​ക​ൻ​ ​തി​രൂ​ർ​ ​പൊ​ലീ​സി​ൽ​ ​പ​രാ​തി​ ​ന​ൽ​കി​യ​തെ​ ​തു​ട​ർ​ന്ന് ​ന​ട​ത്തി​യ​ ​അ​ന്വേ​ഷ​ണ​ത്തി​ലാ​ണ് ​പ്ര​തി​ക​ൾ​ ​പി​ടി​യി​ലാ​യ​ത്.​ ​മൃ​ത​ദേ​ഹം​ ​കൊ​ണ്ടു​പോ​കാ​ൻ​ പ്രതി​കൾ ​ഉ​പ​യോ​ഗി​ച്ച​ ​സി​ദ്ദീഖി​ന്റെ​ ​കാ​ർ​ ​ചെ​റു​തു​രു​ത്തി​യി​ൽ​ ​ഉ​പേ​ക്ഷി​ച്ച​ ​നി​ല​യി​ൽ​ ​ക​ണ്ടെ​ത്തി​യി​രു​ന്നു.
തി​രൂ​ർ​ ​കോ​ര​ങ്ങോ​ത്ത് ​പ​ള്ളി​യി​ൽ​ ​ഇ​ന്ന​ലെ​ ​രാ​ത്രി​ 11.30​ ​ഓ​ടെ​ ​മൃ​ത​ദേ​ഹം​ ​കബ​റ​ട​ക്കി.​ ​
ഭാ​ര്യ​:​ ​ഷ​ക്കീ​ല.​ ​മ​ക്ക​ൾ​:​ ​സു​ഹൈ​ൽ,​ ​ശി​ഹാ​സ്,​ ​ഷാ​ഹി​ദ്,​ ​ഷം​ല.

ഹണിട്രാപ്പ് സാദ്ധ്യതയും
പരി​ശോധി​ച്ച് പൊലീസ്

സി​ദ്ദീഖും​ ​ഫ​ർ​ഹാ​ന​യും​ ​ത​മ്മി​ൽ​ ​മാ​സ​ങ്ങ​ളാ​യി​ ​പ​രി​ച​യ​മു​ണ്ടെ​ന്ന​ ​സൂ​ച​ന​ക​ളു​ണ്ട്.​ ​ഇ​തി​ലു​ള്ള​ ​പ​ക​കാ​ര​ണ​മാ​കാം​ ​ഷി​ബി​ലി​ കൊ​ല​പ്പെ​ടു​ത്തി​യ​തെ​ന്നാ​ണ് ​സൂ​ച​ന.​ ​ഇ​തി​നാ​യി​ ​ഷി​ബി​ലി​ ​ഫ​ർ​ഹാ​ന​യേ​യും​ ​ഉ​പ​യോ​ഗി​ച്ചു​വെ​ന്നും​ ​പൊ​ലീ​സി​ന് ​സം​ശ​യ​മു​ണ്ട്.​ ​ഇ​വ​ർ​ ​ത​മ്മി​ലു​ള്ള​ ​ബ​ന്ധം​ ​ഷി​ബി​ലി​ക്ക് ​നേ​ര​ത്തെ​ ​അ​റി​യി​ല്ലാ​യി​രു​ന്നു.​ ​ ഫോ​ൺ​ ​സം​ഭാ​ഷ​ണ​ത്തി​നി​ടെ​ ​സി​ദ്ദീഖു​മാ​യു​ള്ള​ ​ബ​ന്ധം​ ​ഫ​ർ​ഹാ​ന​ ​അ​റി​യാ​തെ​ ​പ​റ​ഞ്ഞു​പോ​യി.​ ​ഇ​തോ​ടെ​ ​സി​ദ്ദീഖി​നോ​ട് ​ഷി​ബി​ലി​ക്ക് ​പ​ക​ ​തോ​ന്നി​യ​ത്.​ ​ഷി​ബി​ലി​ക്ക് ​സി​ദ്ദീഖി​ന്റെ​ ​ഹോ​ട്ട​ലി​ൽ​ ​ജോ​ലി​ ​ത​ര​പ്പെ​ടു​ത്തി​ ​കൊ​ടു​ത്ത​തും​ ​ഫ​ർ​ഹാ​ന​യാ​ണെ​ന്ന് ​സൂ​ച​ന​യു​ണ്ട്. ഫ​ർ​ഹാ​ന​യെ​ ​ഉ​പ​യോ​ഗി​ച്ച് ​ഹ​ണി​ട്രാ​പ്പി​ന് ​ശ്ര​മിച്ചതാണോ​യെ​ന്നും​ ​പൊ​ലീ​സ് ​പ​രി​ശോ​ധി​ക്കു​ന്നു​ണ്ട്.

മൃതദേഹം മുറിച്ചത്

ഇലക്ട്രിക് കട്ടറിനാൽ

സിദ്ദിഖിന്റെ നെഞ്ചിനേറ്റ ചവിട്ടാണ് മരണ കാരണമെന്നാണ് പോസ്റ്റുമോർട്ടത്തിലെ പ്രാഥമിക നിഗമനം. വാരിയെല്ലുകൾക്ക് പൊട്ടലേറ്റിട്ടുണ്ട്. കൊലപ്പെടുത്തിയശേഷം ഇലക്ട്രിക് കട്ടർ ഉപയോഗിച്ച് ശരീരം വെട്ടിമാറ്റുകയായിരുന്നു. തുടർന്നാണ് സിദ്ദിഖിന്റെതന്നെ കാറിൽ മൃതദേഹാവശിഷ്ടങ്ങൾ തള്ളിയത്.

ഉ​ത്ത​രം​ ​കി​ട്ടേ​ണ്ട​ ​ചോ​ദ്യ​ങ്ങൾ

n​ ​സി​ദ്ദീ​ഖ് ​എ​ര​ഞ്ഞി​പ്പാ​ല​ത്തെ​ ​ഹോ​ട്ട​ലി​ൽ​ ​ര​ണ്ട് ​മു​റി​കൾ ബു​ക്ക് ​ചെ​യ്ത​ത് ​എ​ന്തി​ന്,​ ​ആ​ർ​ക്കൊ​ക്കെ​ ​വേ​ണ്ടി
n​ ​ ആ​ര് ​വി​ളി​ച്ചി​ട്ടാ​ണ് ​സി​ദ്ദീഖ് ​ഹോ​ട്ട​ലി​ൽ​ ​എ​ത്തി​യ​ത്
n​ ​ കൊ​ല​യ്ക്കു​പി​ന്നി​ൽ​ ​സാ​മ്പ​ത്തി​ക​ ​ഇ​ട​പാ​ടു​ണ്ടോ
n​ ​ ഫ​ർ​ഹാ​ന​യു​ടെ​ ​റോ​ളെന്ത്