ലോസ്ആഞ്ചലസ് : 83ാം വയസിൽ അച്ഛനാകാനൊരുങ്ങി വിഖ്യാത ഹോളിവുഡ് നടൻ അൽ പച്ചീനോ. പച്ചീനോയുടെ കാമുകി നൂർ അൽഫല്ലാ ( 29 )​ എട്ടു മാസം ഗർഭിണിയാണെന്ന് അദ്ദേഹത്തിന്റെ വക്താക്കൾ സ്ഥിരീകരിച്ചു. മൂന്ന് മക്കളാണ് അൽ പച്ചീനോയ്ക്കുള്ളത്. ആദ്യ കാമുകി ജാൻ ടാരന്റിൽ ജൂലി മേരി ( 33 )​ എന്ന മകളുണ്ട്. 2001ൽ നടി ബെവെർലി ഡിആഞ്ചലോയുമായുള്ള ബന്ധത്തിൽ ആന്റൺ ജെയിംസ്,​ ഒലിവിയ റോസ് എന്നീ ഇരട്ടക്കുട്ടികൾ പിറന്നു.

ദ ഗോഡ്ഫാ‌ദർ,​ സ്കാർഫേസ്,​ സെന്റ് ഒഫ് എ വുമൺ,​ ദ ഐറിഷ് മാൻ തുടങ്ങിയ ചിത്രങ്ങളിലൂടെ ലക്ഷക്കണക്കിന് ആരാധകരെ സമ്പാദിച്ച അൽ പച്ചീനോയെ ഈ നൂറ്റാണ്ടിലെ ഏറ്റവും മികച്ചതും സ്വാധീനമുള്ളതുമായ നടൻമാരിൽ ഒരാളായാണ് കണക്കാക്കുന്നത്. സിനിമ മേഖലയിൽ ജോലി ചെയ്യുന്ന നൂർ അൽഫല്ലാ ബില്ലി നൈറ്റ്, ലിറ്റിൽ ഡെത്ത്, ബ്രോസ നോസ്ട്ര എന്നീ ചിത്രങ്ങളുടെ നിർമ്മാതാവാണ്.