വെഡ്ഡിംഗ് ഫോട്ടോഗ്രാഫി മുമ്പെന്നത്തെക്കാളും ഇന്ന് കൂടുതൽ ശ്രദ്ധ പിടിച്ചുപറ്റുന്നുണ്ട്. പ്രീ വെഡ്ഡിംഗ് ഫോട്ടോ ഷൂട്ടിൽ വ്യത്യസ്തത കൊണ്ടുവരാനാണ് ഓരോ ഫോട്ടോഗ്രാഫർമാരും ശ്രമിക്കുന്നത്. വൈറലായ നിരവധി സേവ് ദ ഡേറ്റ് ഫോട്ടോഷൂട്ട് ചിത്രങ്ങളും വീഡിയോകളും സോഷ്യൽ മീഡിയ ഏറ്റെടുത്തിട്ടുണ്ട്. അതിൽ ഏറ്റവും പുതിയ ഒന്നാണ് ഇപ്പോൾ ശ്രദ്ധ നേടുന്നത്.

ട്വിറ്ററിലാണ് ഈ ഫോട്ടോഷൂട്ട് ചിത്രങ്ങൾ പങ്കുവയ്ക്കപ്പെട്ടത്. ഒരു ഫോട്ടോസ്റ്റോറി പോലെയാണ് ചിത്രങ്ങൾ അവതരിപ്പിച്ചിരിക്കുന്നത്. ചിത്രങ്ങളിൽ വധൂവരൻമാർക്കൊപ്പം മറ്റൊരാൾ കൂടി ഉണ്ട്. നല്ല ഒന്നാന്തരം ഒരു മൂർഖൻ പാമ്പാണ് ചിത്രത്തിൽ ഗസ്റ്റ് റോളിൽ എത്തുന്നത്. വിവേക് എന്ന ട്വിറ്റർ ഉപയോക്താവാണ് ചിത്രം പങ്കുവച്ചിരിക്കുന്നത്,​ മുപ്പതോളം ചിത്രങ്ങളിലൂടെ ഒരു കഥ പറയുന്നത് പോലെയാണ് ഫോട്ടോഷൂട്ട് നടത്തിയിട്ടുള്ളത്. യുവതിയും യുവാവും ആദ്യമായി കണ്ടുമുട്ടുന്നതും പ്രണയത്തിലാകുന്നതും വിവാഹത്തിലെത്തുന്നതും ചിത്രങ്ങളിലൂടെ പറഞ്ഞുവയ്ക്കുന്നു. .ചിത്രങ്ങൾക്ക് മികച്ച അഭിപ്രായമാണ് നെറ്റിസണിൽ നിന്ന് ലഭിക്കുന്നത്.

Pre Wedding Photoshoot ❤️

A Thread: 🧵 pic.twitter.com/8vXpgTRMNK

— vivekk (@oyevivekk) May 27, 2023