ദുരന്തം ഇങ്ങനെ

 ദുരന്ത സ്ഥലം:

കൊൽക്കത്തയിൽ നിന്ന് 250 കിലോമീറ്റർ തെക്ക്. ഭുവനേശ്വറിന് 170 കിലോമീറ്റർ വടക്ക്. ബഹനാഗ ബസാർ സ്റ്റേഷൻ.

 റെയിൽപ്പാത:

നാലു ട്രാക്കുകൾ. ദീർഘദൂര സർവീസുകൾക്ക് അങ്ങോട്ടും ഇങ്ങോട്ടും നിറുത്താതെ കടന്നുപോകാൻ നടുക്കുള്ള രണ്ട് ട്രാക്കുകൾ.

ആദ്യത്തെ ട്രാക്കും നാലാമത്തെ ട്രാക്കും ട്രെയിനുകൾ നിറുത്താനും പിടിച്ചിടാനും.

 സാഹചര്യം:

സമയം:വെള്ളിയാഴ്‌ച വൈകിട്ട് 6.55-7മണി

ഷാലിമാറിൽ നിന്ന് ചെന്നൈയിലേക്കുള്ള കോറമണ്ഡൽ എക്സ് പ്രസും ബംഗളൂരുവിൽ നിന്നുള്ള ഹൗറ സൂപ്പർ ഫാസ്റ്റും അങ്ങോട്ടും ഇങ്ങോട്ടും കടന്നുപോകാൻ സമയമാവുന്നു. ഇതിനുവേണ്ടി സ്റ്റേഷനോട് ചേർന്നുള്ള ട്രാക്കിൽ ഗുഡ്സ് ട്രെയിൻ ഒതുക്കിയിട്ടിരിക്കുന്നു. നാലാമത്തെ ട്രാക്കിൽ മറ്റൊരു ഗുഡ്സ് ട്രെയിനും ഒതുക്കിയിരിക്കുന്നു.

 ദുരന്തത്തിലേക്ക്:

130 കി.മീ. വേഗത്തിൽ കോറമണ്ഡൽ പാഞ്ഞുവരുന്നു. സ്റ്റേഷൻ പരിധിയിലേക്കു കടക്കവേ ഗുഡ്സ് ട്രെയിൻ കിടന്ന ലൂപ്പ് ട്രാക്കിലേക്ക് മാറുന്നു (തെറ്റുന്നു). ചരക്കു ട്രെയിനിലേക്ക് ഇടിച്ചു കയറുന്നു.

 അനന്തരം:

എൻജിൻ ഉയർന്നുപൊങ്ങി തെറിക്കുന്നു. എ.സി കോച്ചുകൾ അടക്കം 15 ബോഗികൾ മലക്കം മറിയുന്നു. ഏഴുകോച്ചുകൾ ഞെരിഞ്ഞമരുന്നു. 22 കോച്ചുകളും പാളംതെറ്റി. മൂന്നു കോച്ചുകൾ തെറിച്ചു വീണത് ഹൗറ എക്സ് പ്രസിനുവേണ്ടി ക്ളീയർ ചെയ്തിരുന്ന മെയിൻ ട്രാക്കിലേക്ക്. കോച്ചിനകത്ത് നിരവധി യാത്രക്കാർ.

 രണ്ടാം ദുരന്തം:

നിമിഷങ്ങൾ കഴിഞ്ഞപ്പോൾ

ബംഗളൂരു വിശ്വേശ്വരയ്യ റെയിൽവേ സ്റ്റേഷനിൽ നിന്ന് തലേദിവസം പുറപ്പെട്ട ഹൗറ സൂപ്പർഫാസ്റ്റ് എക്‌സ്‌പ്രസ് നൂറു കിലോ മീറ്ററിലേറെ വേഗത്തിൽ പാഞ്ഞുവരുന്നു. കോറമണ്ഡലിന്റെ മറിഞ്ഞുകിടന്ന ബോഗികളിൽ ഇടിച്ചുകയറുന്നു. മൂന്നു ബോഗികൾ മറിയുന്നു.