മുടി ഒന്ന് ഒതുങ്ങിയിരിക്കാൻ വേണ്ടി പതിനായിരങ്ങൾ ചെലവഴിക്കാൻ മടിയില്ലാത്തവരാണ് പലരും. എന്നാൽ, പഠിക്കുന്ന കുട്ടികളും ഇത്രയും പണം ചെലവാക്കാൻ താൽപ്പര്യമില്ലാത്തവരും ഇക്കാര്യം ഓർത്ത് വിഷമിക്കേണ്ട. എത്ര ചകിരി പോലുള്ള മുടിയും കെരാറ്റിൻ ട്രീറ്റ്മെന്റ് ചെയ്തതുപോലെ ആക്കാം. അതും വെറും അര മണിക്കൂറിൽ. ഈ നാച്ചുറൽ കെരാറ്റിൻ ട്രീറ്റ്മെന്റ് ചെയ്യുന്നത് എങ്ങനെയെന്ന് നോക്കാം.

ആവശ്യമായ സാധനങ്ങൾ

അരി - 4 ടേബിൾസ്പൂൺ

തേൻ 1 ടേബിൾസ്പൂൺ

വെളിച്ചെണ്ണ - 2 ടേബിൾസ്പൂൺ

2 മുട്ടയുടെ വെള്ള

തയ്യാറാക്കുന്ന വിധം

നാല് ടേബിൾസ്പൂൺ അരി വെള്ളത്തിലിട്ട് നന്നായി വേവിച്ചെടുക്കുക. തണുക്കുമ്പോൾ ഇതിനെ മിക്സിയുടെ ജാറിലേയ്ക്ക് മാറ്റുക. ഇതിലേയ്ക്ക് രണ്ട് മുട്ടയുടെ വെള്ള, രണ്ട് ടേബിൾസ്പൂൺ വെളിച്ചെണ്ണ, ഒരു ടേബിൾസ്പൂൺ തേൻ എന്നിവ ചേർത്ത് നന്നായി അരച്ചെടുക്കുക. ഈ മിശ്രിതം തലയോട്ടിയിലും മുടിയിലും തേയ്ച്ച് പിടിപ്പിച്ച് അര മണിക്കൂർ വരെ വയ്ക്കാം. അതിന് ശേഷം കഴുകി കളയാവുന്നതാണ്. ശേഷം വീര്യം കുറഞ്ഞ ഷാംപൂ ഉപയോഗിച്ച് കഴുകി കളയാവുന്നതാണ്. ആഴ്ചയിൽ ഒരിക്കൽ ചെയ്താൽ മാറ്റം കാണാൻ സാധിക്കുന്നതാണ്.