തിരുവനന്തപുരം: നഴ്സുമാരും ഡോക്ടർമാരും ഉൾപ്പെടെ കേരളത്തിലെ ആരോഗ്യ പ്രൊഫഷണലുകൾക്ക് കുടുംബത്തോടൊപ്പം വെയിൽസിലേക്ക് പറക്കാൻ അവസരം. കേരള, വെൽഷ് സർക്കാരുകൾ തമ്മിൽ ഒപ്പുവച്ച പുതിയ കരാർ പ്രകാരം 250 പേർക്കാണ് വെയിൽസിൽ തൊഴിലവസരമൊരുങ്ങുന്നത്. വെൽഷ് സർക്കാരിന്റെ 'ഇന്ത്യയിലെ വെയിൽസ് വർഷം' ആഘോഷത്തിന്റെ ഭാഗമായി വെൽഷ് ആരോഗ്യ, സാമൂഹ്യസേവന മന്ത്രി എലുനെഡ് മോർഗൻ വെയിൽസ് എൻ.എച്ച്.എസിൽ ജോലി ചെയ്യാൻ പ്രൊഫഷണലുകളെ സ്വാഗതം ചെയ്യുന്നതിന് കരാറിൽ ഒപ്പുവച്ചു.
ആതുരസേവന രംഗത്ത് കേരള-ഓസ്ട്രേലിയ
പ്രത്യേക സെൽ ഉടൻ
തിരുവനന്തപുരം: ഓസ്ട്രേലിയയിൽ ആതുരസേവനരംഗത്ത് ഇന്ത്യക്കാർക്ക് തൊഴിലവസരങ്ങൾ വർദ്ധിപ്പിക്കാൻ തിരുവനന്തപുരം കേന്ദ്രമാക്കി കേരള-ഓസ്ട്രേലിയൻ സർക്കാർ പ്രതിനിധികളുൾപ്പെട്ട പ്രത്യേക സെൽ സ്ഥാപിക്കുമെന്ന് ഓസ്ട്രേലിയൻ ആരോഗ്യമന്ത്രി ആംബർ ജേഡ് സാൻഡേഴ്സൺ അറിയിച്ചു. ഒഡെപെക് സഹകരണത്തോടെ സംഘടിപ്പിച്ച ഹെൽത്ത് സ്കില്ലിംഗ് സിമ്പോസിയത്തിൽ മന്ത്രിമാരായ വീണാ ജോർജ്, വി.ശിവൻകുട്ടി എന്നിവരുമായി നടന്ന കൂടിക്കാഴ്ചയ്ക്കു ശേഷം മാദ്ധ്യമങ്ങളോട് സംസാരിക്കുകയായിരുന്നു അവർ. പൊതുജനാരോഗ്യത്തിന് പടിഞ്ഞാറൻ ഓസ്ട്രേലിയയുടെ ബഡ്ജറ്റിലെ 30 ശതമാനമാണ് മാറ്റിവച്ചിരിക്കുന്നത്. 4.25 മില്യൺ ഓസ്ട്രേലിയൻ ഡോളർ മുതൽമുടക്കി സ്കിൽഡ് മൈഗ്രന്റ് ജോബ് കണക്ട് പ്രോഗ്രാം സംഘടിപ്പിക്കുന്നുണ്ട്. പഠനത്തിൽ മികവ് പുലർത്തുന്നവർക്ക് അൻപതിനായിരം ഓസ്ട്രേലിയൻ ഡോളർ വരെ സ്കോളർഷിപ്പുകളും ഏർപ്പെടുത്തിയിട്ടുണ്ട്.
കേരളത്തിലെ നഴ്സുമാരുടെ മികവ്, പരിചരണം, കഠിനാദ്ധ്വാനം എന്നിവ ലോകമെമ്പാടും പ്രശസ്തമാണെന്ന് ഓസ്ട്രേലിയൻ മന്ത്രി പറഞ്ഞു. കേരളീയർക്ക് ഓസ്ട്രേലിയയിൽ മികച്ച അവസരമാണ്. ഒഡെപക് ചെയർമാൻ കെ.പി.അനിൽകുമാർ, മാനേജിംഗ് ഡയറക്ടർ കെ.എ.അനൂപ് തുടങ്ങിയവരും കൂടിക്കാഴ്ചയിൽ പങ്കെടുത്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |