റോയി പിന്മാറി,​ പകരം സാൾട്ട്

ന്യൂഡൽഹി: ഇത്തവണത്തെ ഐ.പി.എല്ലിൽ നിന്ന് പിന്മാറിയ ഇംഗ്ലീഷ് ഓപ്പണർ ജേസൻ റോയിക്ക് പകരം മറ്റൊരു ഇംഗ്ലീഷ് താരം ഫിൽ സാൾട്ടിനെ ടീമിലെത്തിച്ച് കൊൽക്കത്ത നൈറ്റ് റൈഡേഴ്‌സ്. വ്യക്തിപരമായ കാരണങ്ങളെ തുടർന്നാണ് റോയിയുടെ പിന്മാറ്റം. അടിസ്ഥാന വിലയായ 2 കോടി രൂപയ്ക്കാണ് റോയി‌യെ കൊൽക്കത്ത ഡിസംബറിലെ മെഗാലേലത്തിൽ സ്വന്തമാക്കിയത്. എന്നാൽ വിക്കറ്റ് കീപ്പർ ബാറ്ററായ സാൾട്ടിനെ ലേലത്തിൽ ആരും വാങ്ങിയിരുന്നില്ല. അടിസ്ഥാന വിലയായ 1.50 കോടിയ്ക്കാണ് കൊൽക്കത്ത സാൾട്ടിനെ ഇപ്പോൾ ടീമിലെടുത്തിരിക്കുന്നത്. കഴിഞ്ഞ സീസണിൽ ഡൽഹി ഡെയർ ഡെവിൾസിനായി കളിച്ച താരമാണ് സാൾട്ട്. മികച്ച ഫോമിലുള്ല 27കാരനായ സാൾട്ട് കഴിഞ്ഞ ഡിസംബറിൽ വെസ്റ്റിൻഡീസിനെതിരെ ട്വന്റി-20യിൽ തുടർച്ചയായി രണ്ട് സെഞ്ച്വറികൾ നേടിയിരുന്നു.