പ്രേമലും എന്ന ചിത്രത്തിലൂടെ മലയാളം - തെലുങ്ക് സിനിമാ പ്രേക്ഷകരുടെ ഹൃദയം കീഴടക്കിയ നടിയാണ് മമിത ബെെജു. ഒൻപതാം ക്ളാസിൽ പഠിക്കുമ്പോൾ 'സർവോപരി പാലക്കാരൻ' എന്ന ചിത്രത്തിലൂടെയാണ് മമിത ബൈജു വെള്ളിത്തിരയിൽ എത്തുന്നത്. ഓപ്പറേഷൻ ജാവയിലെ അൽഫോൻസ എന്ന കഥാപാത്രമാണ് മമിതയെ കൂടുതൽ ശ്രദ്ധേയയാക്കിയത്. ആ കഥാപാത്രത്തെ അവതരിപ്പിച്ചത് മമിത എന്നു വിശ്വസിക്കാൻ പ്രേക്ഷകർക്ക് കഴിയില്ലായിരുന്നു. ഡാകിനി, വരത്തൻ, ഹണി ബീ, വികൃതി, കിലോമീറ്റേഴ്സ് ആൻഡ് കിലോമീറ്റേഴ്സ്, സൂപ്പർ ശരണ്യ തുടങ്ങിയവയാണ് മറ്റ് ശ്രദ്ധേയ ചിത്രങ്ങൾ.
അടുത്തിടെ താരം തമിഴിലേക്കും ചേക്കേറിയിരുന്നു. ജി വി പ്രകാശിന്റെ നായികയായി റെബൽ എന്ന ചിത്രത്തിലൂടെയാണ് മമിതയുടെ തമിഴ് അരങ്ങേറ്റം. മാർച്ച് 22ന് റെബൽ തിയേറ്ററുകളിൽ എത്തും. ഇപ്പോഴിതാ രാംകുമാർ സംവിധാനം ചെയ്യുന്ന പ്രണയ ചിത്രത്തിലാണ് വിഷ്ണു വിശാലിന്റെ നായികയായി മമിത എത്തുന്നത്. കൊടൈക്കനാലിൽ ഉടൻ ചിത്രീകരണം ആരംഭിക്കും. മമിത അഭിനയിക്കുന്ന രണ്ടാമത്തെ തമിഴ് ചിത്രമാണ്.
അതേസമയം, മലയാളത്തിലും തെലുങ്കിലും ചരിത്ര വിജയം നേടുന്ന പ്രേമലുവിന്റെ തമിഴ് പതിപ്പ് നാളെ തിയേറ്ററുകളിൽ എത്തും. ആഗോള തലത്തിൽ 100 കോടി കടന്ന് യാത്രയിലാണ് പ്രേമലു. ഗിരീഷ് എ.ഡി സംവിധാനം ചെയ്ത ചിത്രത്തിലൂടെ നസ്ളിനും മമിതയും ഭാഗ്യ ജോടികളായി മാറുകയും ചെയ്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |
Lorem ipsum dolor sit amet consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. |
We respect your privacy. Your information is safe and will never be shared. |