SignIn
Kerala Kaumudi Online
Tuesday, 16 July 2024 9.49 AM IST

തിങ്കളാഴ്ച സൂര്യഗ്രഹണത്തോടൊപ്പം മറ്റൊരു ആകാശവിസ്മയം കൂടി ദൃശ്യമാകും,​ ജീവിതത്തിൽ ഒരിക്കൽ മാത്രം കാണാൻ കഴിയുന്ന അദ്ഭുതം

d

ഏപ്രിൽ 8ന് നടക്കുന്ന സമ്പൂർണ സൂര്യഗ്രഹണത്തോടൊപ്പം മറ്റൊരു ആകാശക്കാഴ്ച കൂടി ലോകത്തിന്റെ പലഭാഗങ്ങളിലും നടക്കും. ഗ്രീൻ ഡെവിൾസ് കോമറ്റ് അഥവാ ചെകുത്താൻ വാൽനക്ഷത്രം എന്നറിയപ്പെടുന്ന വാൽനക്ഷത്രം ദൃശ്യമായേക്കാം. 70 വർഷങ്ങൾക്ക് ശേഷമാണ് ഇത് വീണ്ടും ദൃശ്യമാകുന്നത്. സൂര്യനോട് അടുത്തു നിൽക്കുന്ന നിലയിലാകും ഇത് കാണപ്പെടുക.

12 പി/പോൺസ് ബ്രൂക‌്സ് എന്നാണ് ഈ വാൽനക്ഷത്രത്തിന്റെ യഥാർത്ഥ പേര്.

ഫ്രഞ്ച് ജ്യോതിശാസ്ത്രജ്ഞനായ ജീൻ-ലൂയിസ് പോൺസ് ജൂലായ് 1812-ലാണ് ധൂമകേതു കണ്ടെത്തിയത്. 1883-ൽ ജ്യോതിശാസ്ത്രജ്ഞനായ വില്യം ബ്രൂക്‌സ് ,1812-ൽ കണ്ട അതേ ധൂമകേതുവാണിത് ഇത് എന്ന് കണ്ടെത്തി. അതിനാലാണ് ഇതിന് രണ്ട് ജ്യോതിശാസ്ത്രജ്ഞരുടെയും പേരുകൾ ഉള്ളത്.

17 കിലോമീറ്റർ വീതിയുള്ള ഈ വാൽനക്ഷത്രം ഓരോ 70 വർഷമെടുത്ത് സൂര്യനെ ഭ്രമണം ചെയ്യുന്നു. 70 വർഷത്തിലൊരിക്കലാണ് ഇത് സൂര്യനുചുറ്റും ഒരു ഭ്രമണപഥം പൂർത്തിയാക്കുന്നത്. അതിനാൽ, പോൺസ്-ബ്രൂക്‌സിനെ കാണുന്നത് ജീവിതത്തിൽ ഒരിക്കൽമാത്രം ലഭിക്കുന്ന അവസരമാണ്.

സൂര്യനിൽ നിന്നുള്ള വികിരണം കടുക്കുമ്പോൾ, വാൽനക്ഷത്രത്തിന്റെ ഹിമം നിറഞ്ഞ പുറന്തോട് പൊട്ടി ക്രയോമാഗ്മ എന്ന പദാർഥം വെളിയിലേക്കു തെറിക്കും. ഈ തെറിക്കുന്ന പദാർത്ഥ ഘടനയുടെ രൂപം കൊമ്പുകളെ അനുസ്മരിപ്പിക്കുന്നതിനാലുമാണ് ഇതിനു ഡെവിൾസ് കോമറ്റ് എന്ന് മറ്റൊരു പേരുമുണ്ട്. വാൽനക്ഷത്രങ്ങളിൽ പാറയ്‌ക്കൊപ്പം വിവിധ വാതകങ്ങളും പൊടിപടലങ്ങളുമൊക്കെ തണുത്തുറഞ്ഞ രീതിയിൽ അടങ്ങിയിട്ടുണ്ട്. ഇവ സൂര്യനു സമീപമെത്തുമ്പോൾ വാതകങ്ങൾ ചൂടായി പുറത്തേക്കു പോകുകയും വാലു പോലെ ഘടന പ്രത്യക്ഷപ്പെടുകയും ചെയ്യും.

വിളിപ്പേര്: ഗ്രീൻ ഡെവിൾ കോമറ്റ്

വിളിപ്പേരിന് കാരണം: പച്ചവെളിച്ചം പ്രസരിക്കുന്നതിനാലാണ് അതിനെ ഗ്രീൻ ഡെവിൾ എന്ന് വിളിക്കുന്നത്.

ധൂമകേതു തരം: ക്രയോവോൾക്കാനിക് വാൽനക്ഷത്രം

ക്രയോവോൾകാനിക് പ്രവർത്തനം: ലാവയ്ക്ക് പകരം വാട്ടർ ഐസ്, അമോണിയ ഐസ്, മറ്റ് ശീതീകരിച്ച അസ്ഥിര വസ്തുക്കൾ എന്നിവയുടെ മിശ്രിതം പൊട്ടിത്തെറിക്കുന്നതിനാൽ.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: NEWS 360, WORLD, WORLD NEWS, WORLD, SPLAR ECLIPSE, GREEN DEVILS COMET
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.