അശ്വതി: സ്ഥിരജോലിയിൽ തൃപ്തിയുണ്ടാകും. വീട് പുതുക്കിപ്പണിയും, ആത്മീയ കാര്യങ്ങളിൽ ശ്രദ്ധ ചെലുത്തും. മകളുടെ വിജയത്തിൽ സന്തോഷിക്കും. വിദേശയാത്രയ്ക്ക് അവസരം. രാഷ്ട്രീയ പ്രവർത്തകർക്ക് ജോലിഭാരം വർദ്ധിക്കും. ഭാഗ്യദിനം ചൊവ്വ.
ഭരണി: കലാ- കായിക മത്സരങ്ങളിൽ ജയം. വർഷങ്ങൾക്കുശേഷം സഹപാഠികളെ കാണും. ദേവാലയ ദർശനം നടത്തും. മേലധികാരിയുടെ തെറ്റിദ്ധാരണകൾ ഒഴിവാക്കാൻ വിശദീകരണം നൽകാനിടവരും. ഭാഗ്യദിനം ഞായർ.
കാർത്തിക: തൊഴിലിനും വ്യവസായ സംരംഭത്തിനും മാർഗം തെളിയും. മാതാപിതാക്കളുടെ ആഗ്രഹം നിറവേറ്റും. ബന്ധുക്കളുമായുള്ള സമ്പത്തിക ഇടപാടുകളിൽ നഷ്ടം. ആഹാരകാര്യങ്ങളിലും ഉറക്കത്തിലും യാത്രകളിലും ശ്രദ്ധവേണം. ഭാഗ്യദിനം വെള്ളി.
രോഹിണി: കർമ്മരംഗം പുഷ്ടിപ്പെടും. അയൽക്കാരുടെ ഭാഗത്തു നിന്നുള്ള വിരോധം തീർക്കും. ആരാധനാലയങ്ങളിൽ സംഭാവനകളോ വഴിപാടുകളോ ചെയ്യും. കുട്ടികളുടെ വിദ്യാഭ്യാസകാര്യങ്ങളിൽ ജാഗ്രത പുലർത്തും. ഭാഗ്യദിനം ബുധൻ.
മകയിരം: സുപ്രധാന കാര്യങ്ങൾ നിറവേറ്റും. ഉന്നത വിദ്യാഭ്യാസ പുരോഗതി, വിവാഹം എന്നിവയ്ക്ക് സാദ്ധ്യത. സന്താനങ്ങളെച്ചൊല്ലി വിഷമതകൾക്ക് ശാന്തി. വാഹന യാത്രകളിൽ ശ്രദ്ധവേണം. ഭാഗ്യദിനം തിങ്കൾ.
തിരുവാതിര: പൊതുപ്രവർത്തകർക്ക് പ്രശസ്തി വർദ്ധിക്കും. ഏജൻസി ഏർപ്പാടുകൾ നടത്തുന്നവർക്ക് ഗുണകരം. ജോലിഭാരം കൂടും. ആരോഗ്യം കുറയും. സ്വത്തുവകകൾ നഷ്ടപ്പെട്ടേക്കാം. വാക്കുതർക്കങ്ങൾ ഒഴിവാക്കുക. ഭാഗ്യദിനം വ്യാഴം.
പുണർതം: മന്ദഗതിയിലുള്ള ബിസിനസിൽ ഉണർവ്. കൂട്ടുകച്ചവടം നിറുത്തി സ്വന്തം കച്ചവടം തുടങ്ങും. ജോലിയുമായി ബന്ധപ്പെട്ട് യാത്രകൾ വേണ്ടിവരും. ക്ഷേത്രജോലികളിൽ സ്വസ്ഥത കുറയും. ഭാഗ്യദിനം ഞായർ.
പൂയം: സാമ്പത്തികമായി അല്പം മെച്ചപ്പെടും. കലാകാരന്മാർക്ക് പുരസ്കാരങ്ങൾ ലഭിക്കും. കർഷകർക്ക് ഗുണമുള്ള സമയം. പഴയ സഹപ്രവർത്തകരുമായി ഒത്തുചേരും. സഹോദരങ്ങളുമായി അനൈക്യം ഉണ്ടായേക്കും. ഭാഗ്യദിനം വ്യാഴം.
ആയില്യം: ദീർഘദൂര യാത്രകളിൽ നേട്ടം. സന്ധിവേദനകൾക്ക് ചികിത്സയിൽ ആശ്വാസം. ധാന്യവിളകൾക്ക് നല്ല വില ലഭിക്കും. കുടുംബവസ്തു ഭാഗത്തിൽ അനുകൂല തീരുമാനം. പ്രൊഫഷണലുകൾക്ക് ജോലി ഭാരമുണ്ടാകും. ഭാഗ്യദിനം ചൊവ്വ.
മകം: വിവിധ മേഖലകളിൽ സ്വയംതൊഴിൽ ചെയ്യുന്നവർക്ക് നേട്ടം. ഉദ്യോഗസ്ഥർക്ക് അനുകൂല സാഹചര്യം. വാഹനാപകടത്തിൽ നിന്ന് അദ്ഭുതകരമായി രക്ഷപ്പെടും. വാത- നാഡീരോഗ പീഡകൾ വർദ്ധിക്കും. ഭാഗ്യദിനം ശനി.
പൂരം: സാമ്പത്തികനേട്ടം കുറവെങ്കിലും കർമ്മമേഖലയിൽ തൃപ്തികരകരമായ ഫലങ്ങൾ പ്രതീക്ഷിക്കാം. വെല്ലുവിളികളെ അതിജീവിക്കും. ഉത്സവാഘോഷങ്ങളിൽ പങ്കെടുക്കും. വ്യക്തിപരമായ പ്രശ്നങ്ങളിൽ നയോപായത്തോടെ ഇടപെടും. ഭാഗ്യദിനം തിങ്കൾ.
ഉത്രം: സുഹൃത്തുക്കളെ കാണാനും മംഗളകർമ്മങ്ങളിൽ പങ്കെടുക്കാനും വിനോദങ്ങളിൽ ഏർപ്പെടാനും അവസരം. മനസ് അല്പം സമർദ്ദത്തിലാകാം. കുടുംബാംഗങ്ങളോട് കലഹത്തിന് സാദ്ധ്യതയുണ്ട്. വീട്ടിൽനിന്ന് വിട്ടുനിൽക്കേണ്ടിവരും. ഭാഗ്യദിനം വ്യാഴം.
അത്തം: വിനോദയാത്രയിൽ പങ്കാളിയാകും. ഊഹക്കച്ചവടം ഗുണകരമാകും. നഷ്ടപ്പെട്ട പണം തിരികെ ലഭിക്കും. സന്താനങ്ങളുടെ അഭിവൃദ്ധിയിൽ സന്തോഷിക്കും. സഹപ്രവർത്തകരുടെ അവധി കൂടുതൽ സമയം പ്രവർത്തിക്കുന്നതിന് വഴിയൊരുക്കും. ഭാഗ്യദിനം ചൊവ്വ.
ചിത്തിര: പിതാവിൽ നിന്ന് സഹായം ലഭിക്കും. ജോലിസ്ഥലത്ത് സന്തോഷമുണ്ടാകും. സംഘടനാ പ്രവർത്തനങ്ങൾക്കും സാരഥ്യം വഹിക്കും. പ്രശസ്തിയും അംഗീകാരവും വർദ്ധിക്കുമെങ്കിലും അഹംഭാവം ഉപേക്ഷിക്കണം. ഭാഗ്യദിനം ഞായർ.
ചോതി: പിതൃസ്വത്തിൽ നിന്ന് ആദായം ലഭിക്കും. കഠിനാദ്ധ്വാനത്തിലൂടെ ഫലസിദ്ധിയുണ്ടാകും. പുതിയ കർമ്മ മേഖലകൾ കണ്ടെത്തും. ഇഷ്ടവിഷയങ്ങൾ പഠിക്കും. വാഹനാപകടത്തിൽ നിന്ന് രക്ഷപ്പെടും. ഭാഗ്യദിനം ബുധൻ.
വിശാഖം: വിവിധ മേഖലകളിൽ സ്വയംതൊഴിൽ ചെയ്യുന്നവർക്ക് നേട്ടം. സമൂഹമാദ്ധ്യമങ്ങളിൽ സജീവമായി തുടരും. വീട്ടിൽ നിന്ന് അകന്നു താമസിക്കുന്നവർ വീണ്ടും കുടംബത്തോടു ചേരും. മത്സര പരീക്ഷകൾക്ക് ഒരുങ്ങുന്നവർക്ക് നല്ല സമയമല്ല. ഭാഗ്യദിനം വെള്ളി.
അനിഴം: ജോലിയിൽ അഭിവൃദ്ധി. കുടുംബത്തിൽ മനസ്സമാധാനം കുറയും. വിദേശത്ത് ജോലി ചെയ്യുന്നവർക്ക് വരുമാനം വർദ്ധിക്കും. ഹോട്ടൽ ബിസിനസിൽ നഷ്ടം സംഭവിച്ചേക്കും. മേലധികാരികളുടെ സഹകരണം കുറയും. ഭാഗ്യദിനം വ്യാഴം.
തൃക്കേട്ട: ജീവിതത്തിൽ പുതിയ വഴിത്തിരിവുകൾ ഉണ്ടാകും. നിയമതടസങ്ങൾ നിങ്ങും. പരീക്ഷകളിൽ വിജയം. കൂട്ടുകച്ചവടം നഷ്ടത്തിൽ കലാശിക്കും. ഈശ്വരഭജനം കൊണ്ട് മനസമാധാനം ഉണ്ടാകും. ഭാഗ്യദിനം ബുധൻ.
മൂലം: മനസിന് ഉന്മേഷം തരുന്ന വാർത്തകൾ കേൾക്കും. ദൈവികകാര്യങ്ങളിൽ ശ്രദ്ധ കൂടും. പുതിയ കരാറുകളിൽ ഒപ്പുവയ്ക്കും. ഭർത്താവുമൊത്ത് ചെറിയ യാത്രകൾ സംഘടിപ്പിക്കും. പ്രണയസാഫല്യം, ആഗ്രഹപൂർത്തികരണം എന്നിവ ഫലം. ഭാഗ്യദിനം ശനി.
പൂരാടം: പണയവസ്തുക്കൾ തിരിച്ചെടുക്കാനാകും. തീർത്ഥയാത്രകൾ ഗുണം ചെയ്യും. തൊഴിൽ നഷ്ടപ്പെട്ടവർക്ക് പുതിയ തൊഴിലിന് നല്ല പ്രയത്നം വേണ്ടിവരും. വിദ്യാഭ്യാസത്തിൽ ശ്രദ്ധിക്കണം. ആരോഗ്യം സൂക്ഷിക്കുക. ഭാഗ്യദിനം തിങ്കൾ.
ഉത്രാടം: വിദ്യാവിജയം, സന്താനലാഭം, വിവാഹകാര്യത്തിൽ തീരുമാനം. ആഹാരകാര്യങ്ങളിലും ഉറക്കത്തിലും യാത്രകളിലും ശ്രദ്ധവേണം. ഉദരരോഗ ചികിത്സ വേണ്ടിവരും. ചെലവ് അധികരിക്കും. കൊടുത്ത ധനം തിരിച്ചു കിട്ടാൻ താമസം നേരിടും. ഭാഗ്യദിനം ചൊവ്വ.
തിരുവോണം: ദീർഘദൂര യാത്രകളിൽ ഗുണാനുഭവം. ഐ.ടി മേഖലയിൽ ഉള്ളവർക്ക് അവസരം. സാമ്പത്തിക ഞെരുക്കം അനുഭവപ്പെടും. സന്ധിവേദനകൾക്ക് ചികിത്സയിലൂടെ ആശ്വാസം. ചില സൗഹൃദങ്ങൾ അപകടത്തിൽ ചാടിക്കും. ഭാഗ്യദിനം വ്യാഴം.
അവിട്ടം: നയപരമായ സമീപനത്താൽ, ശത്രുതയിൽ ആയിരുന്നവരെപ്പോലും വശത്താക്കാൻ കഴിയും. മത്സരങ്ങളിലും നറുക്കെടുപ്പിലും വിജയം. നേട്ടങ്ങൾക്കു യോഗമുണ്ടെങ്കിലും അഹംഭാവം ഒഴിവാക്കുകയാണ് നല്ലത്. ഭാഗ്യദിനം ബുധൻ.
ചതയം: ഔഷധവുമായി ബന്ധപ്പെട്ട വ്യാപാരം ചെയ്യുന്നവർക്ക് ഗുണകരമായ വാരം. രാഷ്ട്രീയ പ്രവർത്തകർക്ക് ഗുണമാണ്. വാഹനം മാറ്റിവാങ്ങാനാകും. ജീവനക്കാർക്ക് കിട്ടേണ്ട ആനുകൂല്യങ്ങളിൽ തടസങ്ങൾ നേരിട്ടും. ഭാഗ്യദിനം വെള്ളി.
പൂരുരുട്ടാതി: വിഘ്നങ്ങൾ നീങ്ങി സമാധാനമുണ്ടാകും. കൂട്ടുകച്ചവടം ഗുണം ചെയ്യും. കിട്ടാനുള്ള വസ്തുവകകൾ തിരികെ കിട്ടിയേക്കും. സർക്കാർ ജോലിയിൽ സ്ഥാനക്കയറ്റം. അദ്ധ്യാപകർക്ക് ജോലിഭാരം കൂടും. ശാരീരികസൗഖ്യം കുറയും. ഭാഗ്യദിനം ചൊവ്വ.
ഉത്രട്ടാതി: രാഷ്ട്രീയ പ്രവർത്തകർക്ക് നല്ല കാലം. ബന്ധുജനങ്ങളുടെ സമാഗമം ഉണ്ടാകും. കൃഷി സംബന്ധമായി ഗുണമുണ്ടാകും. ദൂരയാത്രകൾ മാറ്റിവയ്ക്കും. വ്യവസായശാലയിൽ പണിമുടക്ക് വന്നേക്കാനിടയുണ്ട്. ഭാഗ്യദിനം തിങ്കൾ.
രേവതി: നഷ്ടപ്പെട്ട വസ്തുവകകൾ തിരികെക്കിട്ടും. സർക്കാർ ജോലി ചെയ്യുന്നവർക്ക് സ്ഥാനക്കയറ്റം. ആരോഗ്യം തൃപ്തികരം. പുതിയ ബിസിനസിൽ ഗുണം വന്നുചേരും. മകന്റെ വിദ്യാഭ്യാസകാര്യങ്ങളിൽ കൂടുതൽ പണം ആവശ്യമായി വന്നേക്കാം. ഭാഗ്യദിനം ഞായർ.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |