മന്ത്രിയെന്ന നിലയിൽ ശ്രദ്ധേയ സാന്നിദ്ധ്യം: മുഖ്യമന്ത്രി

തിരുവനന്തപുരം: മന്ത്രി എന്ന നിലയിലും നിയമസഭാംഗം എന്ന നിലയിലും ശ്രദ്ധേയമായ സാന്നിദ്ധ്യം പ്രകടമാക്കിയ രാഷ്ട്രീയ നേതാവായിരുന്നു കുട്ടി അഹമ്മദ് കുട്ടി എന്ന് മുഖ്യമന്ത്രി പിണറായി വിജയൻ. നിയമസഭാ ചർച്ചകൾക്ക് സാമൂഹികമായ മാനത്തിനൊപ്പം സാഹിത്യപരമായ മാനംകൂടി ഉൾച്ചേർക്കുന്നതിൽ അദ്ദേഹം ശ്രദ്ധിച്ചു. തന്റെ നാടിന്റെയും താൻ പ്രതിനിധാനം ചെയ്ത ജനവിഭാഗത്തിന്റെയും താത്പര്യങ്ങൾക്കുവേണ്ടി സഭയിൽ അദ്ദേഹം നിരന്തരം ശബ്ദം ഉയർത്തി. താൻ ഉൾക്കൊള്ളുന്ന സമുദായത്തിന്റെ താത്പര്യ സംരക്ഷണം സാദ്ധ്യമാകുന്നത് പൊതുതാത്പര്യ സംരക്ഷണത്തിലൂടെയാണെന്ന് വിശ്വസിച്ച മതനിരപേക്ഷ സ്വഭാവമുള്ള നേതാവായിരുന്നു അദ്ദേഹം.

സ്പീക്കർ എ.എൻ.ഷംസീർ

ജനങ്ങളുടെ പ്രശ്നങ്ങൾക്കായി നിരന്തരം പ്രവർത്തിച്ച നേതാവായിരുന്നു കുട്ടി അഹമ്മദ് കുട്ടിയെന്ന് സ്പീക്കർ എ.എൻ.ഷംസീർ.

മന്ത്രി എം.ബി.രാജേഷ്

തികഞ്ഞ സാമൂഹ്യ പ്രതിബദ്ധതയോടെ പ്രവർത്തിച്ച നേതാവായിരുന്നു കുട്ടി അഹമ്മദ് കുട്ടിയെന്ന് മന്ത്രി എം.ബി.രാജേഷ്.

മന്ത്രി പി.പ്രസാദ്

നിസ്വാർത്ഥ രാഷ്‌ട്രീയ പ്രവർത്തനത്തിന്റെ ഉദാത്ത മാതൃകയായിരുന്നു കുട്ടി അഹമ്മദ് കുട്ടിയെന്ന് മന്ത്രി പി.പ്രസാദ്.