ഗർഷോം രാജ്യാന്തര പുരസ്‌കാര ദാന ചടങ്ങ് നാളെ  അർമേനിയയിൽ 

അർമേനിയ: ഗർഷോം ഫൗണ്ടേഷന്റെ 2024ലെ ഗർഷോം രാജ്യാന്തര പുരസ്‌കാരങ്ങൾ പ്രഖ്യാപിച്ചു. അർമേനിയൻ തലസ്ഥാനമായ യെരേവാനിലെ ബെസ്റ്റ് വെസ്റ്റേൺ പ്ലസ് കോൺഗ്രസ്സ് ഹോട്ടലിൽ16ന്വൈ കിട്ട് 6.30 ന് നടക്കുന്ന ചടങ്ങിൽ പുരസ്‌കാരങ്ങൾ സമ്മാനിക്കും.

2024ലെ ഗർഷോം പുരസ്‌കാരങ്ങൾക്ക് അർഹരായവർ: സന്തോഷ് കുമാർ (യുഎഇ),​ രവീന്ദ്ര നാഥ് (ഹരിയാന, ഇന്ത്യ),​ ധനേഷ് നാരായണൻ (അർമേനിയ),​ ഷൈനി ഫ്രാങ്ക് (കുവൈറ്റ്).

മികച്ച മലയാളി സംഘടനയ്ക്കുള്ള അവാർഡിന് ലണ്ടനിലെ 'മലയാളി അസോസിയേഷൻ ഫോർ ദി യുകെ' (എം.എ.യു.കെ) അർഹരായി.. അർമേനിയൻ പാർലമെന്റ് അംഗം ലിലിത്ത് സ്റ്റഫാനിയാൻ, ഇന്ത്യ പാർലമെന്റ് അംഗം സാഗർ ഖന്ധേര എന്നിവർ ഇന്ന് നടക്കുന്ന പുരസ്‌കാരദാന ചടങ്ങിൽ മുഖ്യാതിഥികളായി പങ്കെടുക്കും.

സ്വപ്രയത്നംകൊണ്ട് കേരളത്തിന് പുറത്ത് ജീവിത വിജയം നേടുകയും, മലയാളികളുടെ യശ്ശസ് ഉയർത്തുകയും ചെയ്ത മലയാളികളെ ആദരിക്കാൻ ബംഗ്ലൂരു ആസ്ഥാനമായ ഗർഷോം ഫൗണ്ടേഷൻ 2002 മുതലാണ് ഗർഷോം പുരസ്‌കാരങ്ങൾ ഏർപ്പെടുത്തിയത്. ഇതുവരെ 94 പ്രവാസി മലയാളികളെയും 17 പ്രവാസി മലയാളി സംഘടനകളെയും ഗർഷോം പുരസ്‌കാരങ്ങൾ നൽകി ആദരിച്ചിട്ടുണ്ട്. മുൻ വർഷങ്ങളിൽ ജപ്പാൻ, നോർവേ, മലേഷ്യ, ബഹറിൻ, കുവൈറ്റ്, യു എ ഇ, ഇന്ത്യ എന്നീ രാജ്യങ്ങളിലെ വിവിധ നഗരങ്ങൾ ഗർഷോം പുരസ്‌കാര ദാനച്ചടങ്ങുകൾക്കു ആതിഥ്യമരുളിയിട്ടുണ്ട്.