അങ്ങാടിക്കുരുവികൾക്കും കൂട്

തിരുവനന്തപുരം: വംശനാശ ഭീഷണി നേരിടുന്ന അങ്ങാടിക്കുരുവികൾക്ക് കൂടൊരുക്കി സോഷ്യൽ ഫോറസ്ട്രി വകുപ്പ്.ഇതിന്റെ ഭാഗമായി ചാല മാർക്കറ്റ് ഉൾപ്പെടെ ജില്ലയിലെ വിവിധ ഇടങ്ങളിൽ കൂടുകൾ സ്ഥാപിച്ചു. ലോക അങ്ങാടിക്കുരുവി ദിനത്തോടനുബന്ധിച്ച് തിരുവനന്തപുരം സോഷ്യൽ ഫോറസ്ട്രി ഡിപ്പാർട്ട്മെന്റിന്റെ കീഴിലുള്ള 'കുരുവിക്കൊരു കൂട് ' പദ്ധതി പ്രകാരം തിരുവനന്തപുരം,ആറ്റിങ്ങൾ,നെയ്യാറ്റിൻകര പ്രദേശങ്ങളിലായി കൂടുകൾ സ്ഥാപിച്ചത്. കയറ്റിറക്ക് മേഖലയായ ചാലയിൽ സഭാപതി ദക്ഷിണാമൂർത്തി ക്ഷേത്രം റോഡിലെ സിവിൽ സപ്ലൈസ് ഗോഡൗൺ പരിസരത്താണ് 23 കൂടുകളുള്ളത്. നെയ്യാറ്റിൻകര-12,ആറ്റിങ്ങൽ-5 എന്നിങ്ങനെ മൂന്നിടങ്ങളിലായി 40 കൂടുകൾ സ്ഥാപിച്ചു.

വരും ദിവസങ്ങളിൽ കൂടുതൽ കൂടൊരുക്കാനുള്ള ശ്രമത്തിലാണെന്ന് തിരുവനന്തപുരം ഫോറസ്ട്രി ഡിവിഷൻ അസി.കൺസർവേറ്റർ സജു.എസ്.നായർ പറഞ്ഞു.റേഞ്ച് ഓഫീസർ ഹരീന്ദ്ര കുമാർ,വെസ്റ്ര് ബ്ലോക്ക് ഫോറസ്റ്റർ ജി.കെ.അരുൺലാൽ,ഫോറസ്റ്റർമാരായ റീഗൺ,രാജേഷ്,ബിജു എന്നിവർ പദ്ധതിക്ക് നേതൃത്വം നൽകുന്നു.