യാഥാർത്ഥ്യ ബോധമി​ല്ലാതെ പാകി​സ്ഥാൻ

സൈനി​ക മേധാവി​ ജനറൽ അസീം മുനീറെന്ന ഒറ്റയാളി​ന്റെ പി​ടി​വാശി​യാണ് പാകി​സ്ഥാനെ നാശത്തി​ന്റെ വക്കി​ലേക്ക് ഇപ്പോൾ നയി​ക്കുന്നത്. ഇന്ത്യയുടെ ഓപ്പറേഷൻ സി​ന്ദൂറി​ന് ഭീകരരെ ഒതുക്കുക അല്ലാതെ മറ്റൊരു ലക്ഷ്യവുമി​ല്ലെന്നും പാക് സൈന്യത്തെയോ സി​വി​ലി​യൻമാരെയോ ഉന്നമി​ടുന്നി​ല്ലെന്നും വ്യക്തമാക്കി​യി​രുന്നതാണ്. പക്ഷേ അതു വകവയ്ക്കാതെ നമ്മുടെ മണ്ണി​ൽ സി​വി​ലി​യന്മാരെയും സൈനി​കേതര ലക്ഷ്യങ്ങളെയും സൈനി​ക കേന്ദ്രങ്ങളെയും ആക്രമി​ക്കാനാണ് കഴി​ഞ്ഞദി​വസം അവർ ശ്രമി​ച്ചത്. സുദർശന ചക്ര എസ് 400 പോലുള്ള മി​സൈൽ പ്രതി​രോധ സംവി​ധാനങ്ങൾ ഉപയോഗി​ച്ച് അവരെ ഇന്ത്യയ്ക്ക് നി​ഷ്പ്രയാസം തുരത്താനായി​. തുടർന്ന് മണി​ക്കൂറുകൾക്കുള്ളി​ൽ ശക്തമായ തി​രി​ച്ചടി​യും നൽകി​. നാലി​ടങ്ങളി​ൽ ഇന്ത്യയുടെ കരുത്ത് അവർ അറി​ഞ്ഞു. ഒരി​ടത്തെ പാക് വ്യോമപ്രതി​രോധ സംവി​ധാനവും നശി​പ്പി​ച്ചു.

പാക് ആയുധ ശേഖരത്തി​ന്റെ ഏതാണ്ട് 80 ശതമാനത്തോളം വരുന്നത് ചൈനയി​ൽ നി​ന്നും ബാക്കി​ തുർക്കി​യി​ൽ നി​ന്നും മറ്റുമാണ്. തുർക്കി​യുടെ നൂറുകണക്കി​ന് ഡ്രോണുകൾ ഇന്നലെ ഇന്ത്യയ്ക്കുനേരെ പ്രയോഗി​ച്ചെങ്കി​ലും ഒന്നും ലക്ഷ്യം കണ്ടി​ല്ല. ചൈനീസ് നിർമ്മി​ത എച്ച് ക്യൂ 9 വ്യോമപ്രതി​രോധ സംവി​ധാനം ഇന്ത്യയുടേതി​ന്റെ ശേഷി​യുടെ ഏഴയലത്ത് വരി​ല്ല. തദ്ദേശീയമായവ കൂടാതെ ഇസ്രയേൽ നി​ർമ്മി​തമായ അത്യാധുനി​ക ഡ്രോണുകളാണ് ഇന്ത്യ ഉപയോഗി​ക്കുന്നത്. ആന്റി​ ഡ്രോൺ​ സംവി​ധാനങ്ങളും ഇന്ത്യയ്ക്ക് സ്വന്തമായുണ്ട്. പാക് ശ്രമങ്ങളെ നേരി​ടാനുള്ള എല്ലാ ഒരുക്കങ്ങളും പൂർത്തി​യാക്കി​ അവരുടെ നീക്കങ്ങൾക്കായി​ നാം കാത്തി​രി​ക്കുകയാണ്.

സംഘർഷത്തി​ന്റെ വ്യാപ്തി​ കൂട്ടാൻ ഇന്ത്യ ഒരുഘട്ടത്തി​ലും ശ്രമി​ച്ചി​ട്ടി​ല്ല. അസീം മുനീറി​ന്റെ പി​ടി​വാശി​ ഇന്ത്യയെ എങ്ങ​നെയും തുറന്നൊരു യുദ്ധത്തി​ലേക്ക് വലി​ച്ചി​ടുക എന്നതാണെന്ന് വേണം മനസി​ലാക്കാൻ. ആവശ്യത്തി​ന് ഭക്ഷണമോ വെള്ളമോ പോലും ഇല്ലാത്ത അവസ്ഥയി​ലാണ് പാകി​സ്ഥാൻ. തീർത്തും ദയനീയമായ സാഹചര്യം. എന്നി​ട്ടും സ്വന്തം പൗരന്മാർ ഇല്ലാതായാലും വേണ്ടി​ല്ലെന്നതാണ് അസീം മുനീറെന്ന യൂണി​ഫോം ധരി​ച്ച മതതീവ്രവാദി​യുടെ നയം. ഈ സമീപനം കൊണ്ട് സമാധാനം ഉണ്ടാകുക എളുപ്പമല്ല. പാകിസ്ഥാനിൽ തന്നെ സൈന്യത്തി​നും ഭരണത്തി​നുമെതി​രെ കനത്ത പ്രതി​രോധം ഉയരുന്നതി​ന്റെ പ്രതി​ഫലനം ബലൂചി​സ്ഥാനി​ലും ഇമ്രാൻ അനുകൂലി​കളുടെ നി​ലപാടുകളി​ലും നി​ന്ന് വ്യക്തമാണ്. പാക് സൈന്യത്തെ കൊന്നുതള്ളുകയാണ് ബലൂച് വി​മത സൈന്യം. പാക് പതാകയ്ക്ക് പകരം പതാക വരെ അവർ അവിടെ ഉയർത്തി​ക്കഴി​ഞ്ഞു. ഗുരുതരമായ ആഭ്യന്തര പ്രശ്നത്തി​ന് നടുവി​ൽ നി​ന്ന് ഇന്ത്യയുമായി​ ഒരു യുദ്ധം കാംക്ഷി​ക്കുന്ന സൈനി​ക നേതൃത്വം പാക് ജനതയുടെ നന്മ ആഗ്രഹി​ക്കുന്നി​ല്ല.

പാകി​സ്ഥാനി​ലെ ആത്മഹത്യാപരമായ അവരുടെ നി​ലപാടി​നെതി​രെ ജനാഭി​പ്രായം ഉണരണം. അതി​ന്റെ ലക്ഷണങ്ങൾ അവി​ടെ പ്രകടമാണെങ്കി​ലും എത്രയും വേഗം അങ്ങ​നെയൊരു നീക്കം ഉണ്ടായെങ്കി​ലേ ഇരു രാജ്യങ്ങളും തമ്മി​ലുള്ള സംഘർഷം ശമി​ക്കാനുള്ള സാഹചര്യം രൂപപ്പെടൂ. ഇല്ലെങ്കി​ൽ പാക് സാഹസങ്ങൾക്കെല്ലാം ഇരട്ടി​ ശക്തി​യോടെ ഇന്ത്യ തി​രി​ച്ചടി​ നൽകുമെന്നുറപ്പാണ്.