ക്ഷേത്രത്തിലെ പണം മോഷ്ടിച്ച സംഭവം; മൂന്ന് പേ‌ർ പിടിയിൽ

ഏനാത്ത്: ക്ഷേത്രത്തിലെ കാണിക്ക വഞ്ചി കുത്തിത്തുറന്ന് പണം മോഷ്ടിച്ച സംഭവത്തിൽ മൂന്ന് പേർ പിടിയിൽ. ഇതിൽ രണ്ടു പേർ പ്രായപൂർത്തിയാകാത്തവരാണ്. ആലപ്പുഴ മണ്ണഞ്ചേരി ചെറുവേലിൽ അഷ്കറിനെ (18)യും സംഘത്തേയുമാണ് ഏനാത്ത് പൊലീസ് അറസ്റ്റ് ചെയ്തത്. രണ്ടു പേർക്കെതിരെ ജുവനൈൽ നിയമപ്രകാരം നടപടി സ്വീകരിച്ചു. പ്രായ പൂർത്തിയാകാത്ത ഒരാളെ കൂടി പിടികൂടാനുണ്ടെന്ന് പൊലീസ് പറഞ്ഞു. പുതുശ്ശേരിഭാഗം മായായക്ഷിക്കാവ് ദേവീ ക്ഷേത്രത്തിനു മുന്നിലെ കാണിക്ക വഞ്ചിയാണ് ഇവർ കുത്തിത്തുറന്ന് പണം മോഷ്ടിച്ചത്. മോഷണം നടത്തും മുൻപ് ക്ഷേത്രത്തിനു സമീപത്തെ വൈദ്യുതി ബന്ധം ഫ്യൂസുകൾ ഊരിമാറ്റി വിച്ഛേദിച്ചിരുന്നു. അഷ്കറാണ് മോഷണത്തിന് നേതൃത്വം നൽകുന്നത്. കാണിക്ക വഞ്ചി കുത്തിത്തുറന്ന് മോഷണം നടത്തിയതിനും വാഹനം മോഷ്ടിച്ചതിനും മറ്റ് പൊലീസ് സ്റ്റേഷനുകളിൽ അഷ്കറിനെതിരെ കേസുകളുണ്ട്. ഏനാത്ത് എസ്എച്ച്ഒ അമൃത്‌സിംഗ് നായകം,എസ്.ഐ ആർ.ശ്രീകുമാർ എന്നിവരുടെ നേതൃത്വത്തിലായിരുന്നു അന്വേഷണം തെളിവെടുപ്പിനു ശേഷം അഷ്കറിനെ കോടതിയിൽ ഹാജരാക്കി റിമാൻഡ് ചെയ്തു.