പുരുഷന്റെ വിരലുകളുടെ നീളവും ലൈംഗികാസക്തിയും തമ്മിൽ ബന്ധമുണ്ടോ, നീളം കുറഞ്ഞാൽ സംഭവിക്കുന്നത്

പുരുഷന്റെ വിരലുകളും ലൈംഗികതയും തമ്മിൽ എന്തെങ്കിലും ബന്ധമുണ്ടോ?​. ബന്ധമുണ്ടെന്നാണ് ജപ്പാനിലെ സർ‌വകലാശാല നടത്തിയ പഠനത്തിൽ പറയുന്നത്. പുരുഷന്റെ വിരലുകളുടെ നീളം അവരുടെ ലൈംഗികാസക്തിയെയും ലൈംഗികതയുടെ മുൻഗണനകളെയും സൂചിപ്പിക്കുമെന്ന് ഒകയാമ സർവകലാശാലയിലെ ശാസ്ത്രജ്ഞർ കണ്ടെത്തി ഗ‌ർഭസ്ഥ ശിശുവായിരിക്കുമ്പോൾ തന്നെ ഒരു വ്യക്തി ലൈംഗികമായി പെരുമാറുന്ന രീതി രൂപപ്പെടുന്നതായും ഇവർ വിശദമാക്കുന്നു. പുരുഷ ലൈംഗിക ഹോർ‌മോണായ ആൻഡ്രോജൻ പോലുള്ള ഹോർമോണുകളോട് തലച്ചോറ് പ്രതികരിക്കുന്ന രീതിയാണ് ഒരാൾ ലൈംഗികമായി എങ്ങനെ പെരുമാറണമെന്ന് തീരുമാനിക്കുന്നത്. അതേസമയം ഇതളക്കാൻ ഒരു രീതിയും ലഭ്യമല്ല.

എലികളിലാണ് ഗവേഷകർ പരീക്ഷണം നടത്തിയത്. എലികളുടെ വിരലുകളുടെ നീളം അവയുടെ ലൈംഗികാസക്തിയെയും പെരുമാറ്റത്തെയും സൂചിപ്പിക്കുമെന്ന നിഗമനത്തിലാണ് ഗവേഷകർ എത്തിയത്. പ്രൊഫ. ഹിരോതക സകാമോട്ടയുടെയും ഡോ,​ ഹിമേക ഹയാഷിയുടെയും നേതൃത്വത്തിൽ നടത്തിയ പഠനം 2025 മേയ് 14ന് എക്സ്പരിമെന്റൽ ആനിമൽസ് ജേർണലിലാണ് പ്രസിദ്ധീകരിച്ചത്.

2D:4D എന്ന അനുപാതമാണ് പഠനത്തിനായി ഗവേഷകർ ഉപയോഗിച്ചത്. രണ്ടാമത്തെ അക്കത്തിന്റെയും നാലാമത്തെ അക്കത്തിന്റെയും അനുപാതം എലികളിലെ ലൈംഗിക സ്വഭാവത്തെയും മുൻഗണനയെയും പ്രവചിക്കാൻ കഴിയുമെന്ന് സംഘം കണ്ടെത്തി. സ്ത്രീകളേക്കാൾ പുരുഷന്മാരിൽ ഈ അനുപാതം കുറവാണെന്ന നിഗമനത്തിലാണ് അവർ എത്തിയത്. ലളിതമായി പറഞ്ഞാൽ, അവരുടെ ചൂണ്ടുവിരലുകൾ മോതിരവിരലുകളെ അപേക്ഷിച്ച് ചെറുതാണെന്നാണ് ഇതിനർത്ഥം. 2D:4D അനുപാതം കുറവാണെങ്കിൽ, അതായത് ചെറിയ ചൂണ്ടുവിരൽ, ശക്തമായ ലൈംഗികാസക്തിയെ സൂചിപ്പിക്കുന്നുവെന്ന് പഠനം കണ്ടെത്തി. കുറഞ്ഞ രണ്ടാമത്തെ അക്കങ്ങളുള്ള എലികൾ കൂടുതൽ ലൈംഗികമായി സജീവമായിരുന്നു എന്ന് മാത്രമല്ല, സ്ത്രീകളുടെ ഗന്ധത്തോട് ശക്തമായ അഭിനിവേശവും കാണിച്ചുവെന്ന് ഗവേഷകർസ പറയുന്നു.

സിദ്ധാന്തം സ്ഥിരീകരിക്കുന്നതിന്, എലികൾക്ക് ഇണചേരാൻ കഴിയുന്ന സാഹചര്യങ്ങൾക്ക് വിധേയമാക്കി. രണ്ടാമത്തെ അക്കങ്ങൾ കുറവുള്ള ആൺ എലികൾ ആദ്യ കൂടിക്കാഴ്ചയിൽ തന്നെ മറ്റുള്ളവയെ അപേക്ഷിച്ച് പെട്ടെന്ന് സ്ഖലനം ചെയ്തു. ഈ എലികൾക്ക് ഉയർന്ന ലൈംഗികാസക്തിയും ശക്തമായ ഉദ്ധാരണ പ്രവർത്തനവും ഉണ്ടായിരുന്നു. അവരുടെ ലൈംഗിക മുൻഗണനകൾ മനസ്സിലാക്കാനും സംഘം ശ്രമിച്ചു.

നമ്മുടെ വിരലുകൾ പരിശോധിക്കുന്നത് നമ്മുടെ പെരുമാറ്റ പ്രവണതകളുടെ വശങ്ങൾ തിരിച്ചറിയാൻ സഹായിക്കുമെന്ന് പ്രൊഫ. സകാമോട്ട വ്യക്തമാക്കി.. അതേസമയം ഈ പരീക്ഷണത്തിൽ ആൺ എലികളെ മാത്രമേ പഠനത്തിന് വിധേയമാക്കിയിട്ടുള്ളൂ എന്നതിനാൽ ഗവേഷണ ഫലം ഏകപക്ഷീയമാണെന്നും ഗവേഷകർ വിലയിരുത്തി.