യൂത്ത്കോൺഗ്രസ് പ്രതിഷേധം 

അത്തിക്കയം : തി​രഞ്ഞെടുപ്പ് കമ്മി​ഷന്റെ കള്ളത്തരങ്ങളെ ചോദ്യം ചെയ്തുകൊണ്ട് രാഹുൽ ഗാന്ധി ഉന്നയിച്ച ചോദ്യങ്ങൾ കേന്ദ്ര തിരഞ്ഞെടുപ്പ് കമ്മി​ഷന് കത്തായി​ അയച്ച് യൂത്ത്കോൺഗ്രസ് പ്രതിഷേധിച്ചു. സംസ്ഥാന സെക്രട്ടറി സാംജി ഇടമുറി ഉദ്ഘാടനം ചെയ്തു. യൂത്ത് കോൺഗ്രസ് നാറാണംമുഴി മണ്ഡലം പ്രസിഡന്റ് അജയ് പീടി​യേക്കൽ അദ്ധ്യക്ഷത വഹിച്ചു. നാറാണംമുഴി ഗ്രാമപഞ്ചായത്ത് പ്രസിഡന്റ് സോണിയ മനോജ്, ഷിബു തോണിക്കടവിൽ, സനൽകുമാർ, ജിജോ മടന്തമൺ, ജോയി പാട്ടത്തിൽ, റിന്റു തേവർക്കാട്ടിൽ, ബ്ലസൺ മുള്ളംകാട്ടിൽ എന്നിവർ പ്രസംഗിച്ചു.