മാദ്ധ്യമപ്രവർത്തകൻ ശ്യാം ജി. മേനോൻ നിര്യാതനായി

തിരുവനന്തപുരം: പ്രശസ്ത മാദ്ധ്യപ്രവർത്തകൻ ഗൗരീശപട്ടം മുളവന ജംഗ്ഷനിൽ കോസലം വീട്ടിൽ ശ്യാം.ജി മേനോൻ (56)​ നിര്യാതനായി. എഴുത്തുകാരിയായിരുന്ന പരേതയായ വിമലമേനോന്റെയും യു.ജി മോനോന്റെയും മകനാണ്.മൃതദേഹം ഇന്ന് രാവിലെ 9.30ന് ശ്യാമിന്റെ അമ്മാവൻ പ്രൊഫ.ആർ.വി.ജി മേനോന്റെ മുടവൻമുകൾ കേശവ്ദേവ് റോഡിലെ വസതിയായ ഹരിത കെ.ആർ.ആർ 22ൽ പൊതുദർശനത്തിന് വയ്ക്കും. സംസ്കാരം രാവിലെ 10.30ന് ശാന്തികവാടത്തിൽ. സഹോദരി: യമുന മോനോൻ.

പി.ടി.ഐ വാർത്ത ഏജൻസിയിലും ദി ഹിന്ദു ബിസിനസ് ലൈൻ പത്രത്തിലും ഔട്ട്ലുക്ക് ബിസിനസ് മാസികയിലും ജോലി ചെയ്തതിന് ശേഷം ഫ്രീലാൻസ് മാദ്ധ്യമപ്രവർത്തകനായി ജോലി ചെയ്യുകയായിരുന്നു. ഡിബേറ്റിംഗ്,​ട്രെക്കിംഗ്,​സൈക്കിളിംഗ് എന്നിവയിൽ അഗ്രഗണ്യനായിരുന്നു.