വിദ്യാരംഭം:ശിവഗിരിയിൽ ഒരുക്കങ്ങൾ ആരംഭിച്ചു

ശിവഗിരി : ശ്രീശാരദാദേവി സന്നിധിയിൽ വിദ്യാരംഭത്തിനുള്ള ഒരുക്കങ്ങൾ ആരംഭിച്ചു. ശ്രീനാരായണ ധർമ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ,ജനറൽ സെക്രട്ടറി സ്വാമി ശുഭാംഗാനന്ദ, ട്രഷറർ സ്വാമി ശാരദാനന്ദ,മുൻ ജനറൽ സെക്രട്ടറി സ്വാമി ഋതംഭരാനന്ദ,ഗുരുധർമ്മ പ്രചരണസഭ സെക്രട്ടറി സ്വാമി അസംഗാനന്ദഗിരി, സ്വാമി വിശാലാനന്ദ,സ്വാമി ഗുരുപ്രസാദ്,സ്വാമി ഹംസതീർത്ഥ , സ്വാമി വിരജാനന്ദ, സ്വാമി ദേശികാനന്ദയതി തുടങ്ങിയ സന്യാസി ശ്രേഷ്ഠർ കുരുന്നുകൾക്ക് ആദ്യാക്ഷരം പകർന്നു നൽകും.പുലർച്ചെ മുതൽ ചടങ്ങുകൾക്ക് തുടക്കമാകും. മുൻകൂട്ടി രജിസ്റ്റർ ചെയ്യേണ്ടതില്ലെന്നും വന്നുചേരുന്ന എല്ലാ കുട്ടികൾക്കും വിദ്യാരംഭത്തിനുള്ള അവസരം ഒരുക്കിയിട്ടുണ്ടെന്നും ശിവഗിരി മഠം അറിയിച്ചു.