ഫെഡറൽ ബാങ്കിന് 955.26 കോടി രൂപ അറ്റാദായം

കൊച്ചി: സാമ്പത്തിക വർഷത്തെ രണ്ടാംപാദത്തിൽ ഫെഡറൽ ബാങ്കിന്റെ മൊത്തം ബിസിനസ് 5,33,576.64 കോടി രൂപയായി ഉയർന്നു. 1,644.17 കോടി രൂപയാണ് പ്രവർത്തനലാഭം. 955.26 കോടി രൂപ അറ്റാദായം കൈവരിച്ചു.

ഇടപാടുകാർക്ക് ബാങ്കിലുള്ള വിശ്വാസത്തിന്റെയും ജീവനക്കാരുടെ പ്രവർത്തനമികവിന്റെയും തെളിവാണ് കറന്റ് - സേവിംഗ്സ് അക്കൗണ്ട് ബിസിനസ് സുസ്ഥിരവളർച്ച കൈവരിച്ചതിന് പിന്നിലെന്ന് അധികൃതർ പറഞ്ഞു. ആസൂത്രിതമായ നടപടികളിലൂടെ മദ്ധ്യവിഭാഗങ്ങളിൽ ശ്രദ്ധിച്ച് വായ്പകളിലെ വൈവിദ്ധ്യവത്കരണം തുടരുകയാണ്. ഫീ വരുമാനം രണ്ടക്ക വളർച്ച കൈവരിച്ചു.

നേട്ടങ്ങൾ ഇങ്ങനെ

മൊത്തം ബിസിനസ് 53,3576.64 കോടി രൂപ ( 6.84 % വർദ്ധനവ്)

നിക്ഷേപം 2,88,919.58 കോടി രൂപ (7.36 % വർദ്ധനവ് )

ആകെ വായ്പ 2,44,657.06 കോടി രൂപ (6.23 % വർദ്ധനവ്)

മൊത്തവരുമാനം 7,824.33 കോടി രൂപ (3.75 % വർദ്ധനവ് )

ഫീ വരുമാനം 885.54 കോടി രൂപ (13 % വർദ്ധനവ് )

മൊത്ത നിഷ്‌ക്രിയ ആസ്തി 4,532.01 കോടി രൂപ

അറ്റനിഷ്‌ക്രിയ ആസ്തി 1165.16 കോടി രൂപ

നീക്കിയിരുപ്പ് അനുപാതം 73.45 %

അറ്റമൂല്യം 34,819.84 കോടി രൂപ

മൂലധന പര്യാപ്തതാ അനുപാതം 15.71 %

''അടിത്തറ ശക്തമാക്കാനും ഭാവി കെട്ടിപ്പടുക്കാനും ഉതകുന്ന തരത്തിലുള്ള പല നൂതന ആശയങ്ങളും കഴിഞ്ഞ കുറച്ചു മാസങ്ങളായി നടപ്പാക്കിവരികയാണ്. അതിന്റെ ഫലം ദൃശ്യമാവാൻ തുടങ്ങിക്കഴിഞ്ഞു,""

കെ.വി.എസ് മണിയൻ

എം.ഡി., സി.ഇ.ഒ

ഫെഡറൽ ബാങ്ക്